გერმანიის პრეზიდენტი სომხეთს ევროკავშირთან დაახლოებაში დახმარებას დაჰპირდა, – ამის შესახებ განცხადება ფრანკ-ვალტერ შტაინმაიერმა სომხეთში ვიზიტისას გააკეთა, სადაც ის თავის სომეხ კოლეგას შეხვდა.

„მხარდაჭერა უკვე ხორციელდება. უპირველეს ყოვლისა, მიმდინარეოებს გაცნობითი ოპერაციული პროცედურები, ასევე მზადდება პარტნიორობის დღის წესრიგი. მისი შეთანხმების შემდეგ ჩვენ უნდა მივიდეთ თანამშრომლობამდე“, – განაცხადა გერმანიის პრეზიდენტმა ერევანში გამართულ პრესკონფერენციაზე.

მისივე თქმით, ევროკავშირთან დაახლოებისთვის სომხეთმა რეფორმების გასატარებლად კიდევ დიდი სამუშაო უნდა გასწიოს და „სომხეთი ძალიან რეალისტურად უყურებს ევროკავშირისკენ მიმავალ გრძელ გზას“.

თავის მხრივ, სომხეთის პრეზიდენტმა, ვაჰან ხაჩატურიანმა აღნიშნა, რომ სომხეთს სურს, იყოს ევროკავშირის წევრი.

„ჩვენ უბრალოდ გვსურს ევროკავშირის წევრობა. მე არ მგონია, რომ სომხეთში მოიძებნოს ერთი ადამიანიც კი, რომელიც ამის წინააღმდეგი იქნება“, – განაცხადა სომხეთის პრეზიდენტმა.

ცნობისთვის, 26 მარტს სომხეთის პარლამენტმა ბოლო მოსმენით მიიღო კანონი „სომხეთის რესპუბლიკის ევროკავშირში გაწევრიანების პროცესის დაწყების შესახებ“, თუმცა ეს გადაწყვეტილება არ ანიჭებს სომხეთს ევროკავშირის წევრობის კანდიდატი ქვეყნის ოფიციალურ სტატუსს.

ავტორი: ექსპრესნიუსი,

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით