Bloomberg-ის ინფორმაციით, დანია სავალდებულო სამხედრო სამსახურში ქალების გაწვევას შემდეგი წლიდან დაიწყებს. შესაბამის რეფორმებზე მუშაობა დაჩქარებული წესით მიმდინარეობს. რეფორმა რუსეთისგან წამოსული მზარდი საფრთხეების ფონზე ქვეყნის შეიარაღებული ძალების გაძლიერებას ისახავს მიზნად. 

ამჟამად დანიაში ქალებს სამხედრო სამსახურში გაწევრიანება მოხალისეობრივად შეუძლიათ. კაცები, მეორე მხრივ, ვალდებულები არიან, ლატარიის პრინციპით შერჩევის შემთხვევაში, სამხედრო სამსახური მოიხადონ.

დანიის თავდაცვის მინისტრმა ტროელს ლუნდ პულსენმა რამდენიმე დღის წინ კოპენჰაგენში გამართულ ბრიფინგზე განაცხადა, რომ განახლებული ვადების მიხედვით, დანია ქალების სავალდებულო სამხედრო გაწვევას ერთი წლით ადრე დაიწყებს, ვიდრე ეს თავდაპირველად იყო დაგეგმილი. 

გადაწყვეტილება მთავრობამ მას შემდეგ მიიღო, რაც საკითხზე პარლამენტში მყოფ პარტიათა უმრავლესობასთან თანხმობას მიაღწია. 

ჩრდილოატლანტიკური ხელშეკრულების ორგანიზაციიდან (NATO) ნორვეგია პირველი წევრი იყო, რომელმაც 2015 წელს სამხედრო სამსახური სავალდებულო ქალებისთვისაც გახადა. 2017 წელს სავალდებულო გაწვევა ქალებზე გავრცელდა შვედეთშიც. 

დანიის თავდაცვის სამინისტრომ ასევე განაცხადა, რომ იგეგმება დაახლოებით $1.7 მილიარდის დახარჯვა დანიის მძიმე ბრიგადაში ინვესტიციისა და ორი ავიაგამანადგურებლის შესაძლო შესყიდვისთვის. აღნიშნული მთავრობის ე.წ. დაჩქარების ფონდის მიერ დაფინანსდება, რომლის შექმნის შესახებაც მთავრობამ გასულ თვეში გამოაცხადა. 

ავტორი: ექსპრესნიუსი,

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით