პრეზიდენტ ზელენსკისგან განსხვავებით, პუტინი აჩვენებს, რომ ამ სამშვიდობო მოლაპარაკებებში სერიოზული მოთამაშე არ არის, - ამის შესახებ გაერთიანებული სამეფოს პრემიერ-მინისტრის, კირ სტარმერის განცხადებაშია აღნიშნული, რომელიც უკრაინის მხარდამჭერი ქვეყნების კოალიციის დღეს დაგეგმილ სამიტამდე გამოქვეყნდა.

„შავ ზღვაში ცეცხლის შეწყვეტის შესახებ მიღწეულ შეთანხმებასთან თამაში, მიუხედავად ყველა მხარის კეთილსინდისიერი მონაწილეობისა - ეს ყველაფერი უკრაინელ ხალხზე დამანგრეველი თავდასხმების ფონზე. მისი დაპირებები ცარიელი დაპირებებია“, - აღნიშნულია განცხადებაში.

კირ სტარმერის თქმით, აშშ წამყვან როლს თამაშობს ცეცხლის შეწყვეტის შესახებ მოლაპარაკებების მოწვევით, პრეზიდენტმა ზელენსკიმ არაერთხელ აჩვენა ერთგულება და ევროპა აგრძელებს თავისი როლის შესრულებას უკრაინის მომავლის დასაცავად.

„ახლა პუტინმა უნდა აჩვენოს, რომ ბურთის თამაშის სურვილი აქვს“, - აღნიშნულია განცხადებაში.

შეგახსენებთ, დღეს პარიზში 30-მდე ქვეყნის ლიდერები იკრიბებიან იმ მიზნით, რომ უკრაინის პრეზიდენტ ვოლოდიმირ ზელენსკისთან ერთად იმსჯელონ, როგორ გააძლიერონ უკრაინის სამხედრო მხარდაჭერა, განიხილონ ცეცხლის შეწყვეტის მცდელობები და შეაფასონ რა როლს შეასრულებენ რუსეთთან სამშვიდობო შეთანხმების მიღწევის შემთხვევაში.

ავტორი: ექსპრესნიუსი,

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით