ერდოღანის მიერ გამოქვეყნებულ ვიდეოში თბილისის აქციები მოხვდა

2025-03-27 00:47:03, 3076 ნახვა

სხვადასხვა

თურქეთის პრეზიდენტმა, რეჯეფ თაიფ ერდოღანმა სოციალურ ქსელ X-ზე გამოაქვეყნა ვიდეო, სადაც საუბარია თურქეთში მიმდინარე საპროტესტო აქციებზე.

ვიდეოს კადრებში შემთხვევით ასევე მოხვედრილია თბილისში, აქციის დაშლის კადრები, ჭიჭინაძის ქუჩისა და პარლამენტის უკანა შესასვლელის ხედით.

ვიდეოში საუბარია იმაზე, რომ ოპოზიციური პარტიის წარმომადგენლები ხალხს პოლიციის წინააღმდეგ განაწყობს, ასევე ჩასმულია თურქი ოპოზიციონერების მიმართვებიდან ნაწყვეტები.

თბილისის პროტესტის კადრებამდე ვიდეოში საუბარია, რომ ოპოზიციის ლიდერებმა ვერ უპასუხეს კორუფციასა და ტერორიზმის ბრალდებებს და ამის სანაცვლოდ ქუჩაში გამოიყვანეს ნიღბებიანი დაჯგუფებები, რომლებიც პოლიციის წინააღმდეგ ძალადობენ - „ისინი აღიარებენ, რა არაკომფორტულად გრძნობენ თავს ტერორიზმის გარეშე”.

ავტორი: ექსპრესნიუსი,