ჩეჩნეთის შინაგან საქმეთა სამინისტროს ახმატ კადიროვის სახელობის საპატრულო-საგუშაგო პოლიციის პოლკის მეთაური, ზამიდ ჩალაევი საკუთარ ტელეგრამ არხზე პალესტინური ტერორისტული ჯგუფის, ჰამასის მხარდამჭერ პოსტს აქვეყნებს.

"აბა აქედან წაშლა სცადეთ! ჩვენ მალე შემოგიერთდებით, ეს მხოლოდ დროის ამბავია." - წერს ჩალაევი და აქვეყნებს ჰამასის პროპაგანდისტულ ვიდეოს, რომელშიც ნაჩვენებია, როგორ ხოცავენ დაჯგუფების სნაიპერები ისრაელის სამხედროებს.

2021 წლის მაისში ზამიდ ჩალაევმა რუსეთის გმირის წოდება მიიღო. მას ჯილდო ანტიტერორისტული სპეცოპერაციის წარმატებით ჩატარებისთვის მიანიჭეს.

"ძალიან მესიამოვნა, რომ რუსეთის პრეზიდენტმა, ვლადიმირ პუტინმა მაღალ დონეზე შეაფასა ზამიდ ჩალაევის დამსახურება ტერორიზმთან ბრძოლაში. თითქმის მთელი შეგნებული ცხოვრების განმავლობაში ზამიდი ჩვენს სამშობლოს ემსახურება, არაერთხელ მიუღია მონაწილეობა განსაკუთრებით რთულ და სარისკო სპეცოპერაციებში უკანონო შეიარაღებული ფორმირებების წევრების გასანეიტრალებლად." - აღნიშნავდა ჩეჩნეთის ლიდერი, რამზან კადიროვი ჩალაევის დაჯილდოებას.

2021 წლის 20 იანვარს ჩალაევი ხელმძღვანელობდა ე.წ. ისლამური სახელმწიფოს (ISIS) კავკასიის ვილაიეთის მეთაურის, ასლან ბიუტუკაევის ჯგუფის განადგურებას. სპეცოპერაცია გროზნოდან 30 კილომეტრის დაშორებით, სოფელ კატარ-იურტში ჩატარდა.

წარსულში მედიებში გავრცელებული იყო ცნობები, რომ ჩალაევი ჩეჩნეთის რესპუბლიკაში ადამიანის უფლებათა დარღვევებში იყო ჩართული.

ავტორი: ექსპრესნიუსი,

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით