ფილიპინებისა და აშშ-ს ჯარისკაცებმა სამკვირიანი ერთობლივი სამხედრო წვრთნები დაიწყეს, რომლის მიზანიც ტერიტორიული თავდაცვის გაძლიერება და ფართომასშტაბიანი ძალების განლაგების მართვის სწავლებაა. ინფორმაციას ფილიპინების არმია ავრცელებს.

დაახლოებით 5 000-მდე ჯარისკაცი ფილიპინების არმიიდან და აშშ-ს წყნარი ოკეანის არმიიდან მონაწილეობას მიიღებენ საბრძოლო მოქმედებებში და ერთმანეთს გამოცდილებას გაუზიარებენ. წვრთნების მეორე ნაწილი წლის მეორე ნახევარშია დაგეგმილი.

ასევე, წვრთნები მიზნად ისახავს ორი ქვეყნის არმიების გაერთიანებული ოპერაციების გაუმჯობესებას, მასშტაბურ მანევრებს, სროლისა და ტერიტორიული თავდაცვის გაძლიერებას.

ამასთან, პენტაგონის ცნობით, აშშ-ს თავდაცვის მდივანი, პიტ ჰეგსეთი მანილაში ჩასვლას ამ კვირაში გეგმავს, სადაც ფილიპინების ლიდერებს და მათ სამხედრო ძალებს შეხვდება.

აშშ-ს და ფილიპინების ყოველწლიური ერთობლივი სამხედრო წვრთნები 2016 წლიდან იმართება.

ავტორი: ექსპრესნიუსი,

სოციალური ქსელები

ფორმულას წინააღმდეგ სისხლის სამართლის გამოძიებაზე ევროსაბჭომ განგაშის სიგნალი ჩართო

კობახიძე: როცა საუბარია ქვეყნის მიღწევებზე, მინდა მადლობა გადავუხადო ბიძინა ივანიშვილს

კობახიძე: როდესაც რჩება დისბალანსი ეკონომიკებს შორის, მოქალაქეები მიდიან, ამას უწყობს ხელს ვიზალიბერალიზაცია

თბილისში 500 Global in Eurasia-ს მეათე ნაკადის დასკვნითი ღონისძიება, დემო დღე გაიმართა