მოუთმენლად ველი პენტაგონში იმ ადამიანების სისხლის სამართლებრივ დევნას, რომლებიც The New York Times-თან ცრუ ინფორმაციას ბოროტი განზრახვით ავრცელებენ, - ამის შესახებ აშშ-ის მთავრობის ეფექტურობის დეპარტამენტის ხელმძღვანელი, ილონ მასკი სოციალურ პლატფორმა X-ზე წერს, სადაც The New York Times-ში გამოქვეყნებულ სტატიას ეხმაურება და აშშ-ის პრეზიდენტ დონალდ ტრამპის ამ სტატიასთან დაკავშირებულ კომენტარს აზიარებს.

„The New York Times-ი სუფთა პროპაგანდაა. მოუთმენლად ველოდები პენტაგონში იმ ადამიანების სისხლის სამართლებრივ დევნას, რომლებიც The New York Times-თან ცრუ ინფორმაციას ბოროტი განზრახვით ავრცელებენ. მათ იპოვნიან“, - წერს მასკი.

The New York Times-მა ხუთშაბათს გამოაქვეყნა სტატია, რომელშიც ნათქვამია, რომ ამერიკელი ოფიციალური პირების თქმით, პენტაგონი აპირებდა მასკისთვის მიეწოდებინა ინფორმაცია აშშ-ის სამხედროების გეგმის შესახებ ნებისმიერ ომთან დაკავშირებით, რომელიც, შესაძლოა, ჩინეთთან დაიწყოს.

სტატიის გამოქვეყნების შემდეგ შეხვედრის შესახებ ინფორმაცია დაადასტურეს პენტაგონის ოფიციალურმა პირებმა და პრეზიდენტმა ტრამპმა, მაგრამ უარყვეს, რომ შეხვედრაზე სამხედრო გეგმების განხილვა იგეგმებოდა.

„ჩინეთს არც კი ახსენებენ და განიხილავენ. რა სამარცხვინოა, რომ დისკრედიტებულ მედიას შეუძლია ასეთი ტყუილის მოგონება. ყოველ შემთხვევაში, ეს ამბავი სრული სიცრუეა!!!" - დაწერა ტრამპმა საკუთარ სოციალურ პლატფორმა Truth Social-ზე.

ავტორი: ექსპრესნიუსი,

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით