„სექსი არ არის დანაშაული“, „სექსით პოლიტიკა არ კეთდება“, „პირადი ცხოვრება ხელშეუხებელია“, „გაეთირე ჩემი საძინებლიდან“, „ტუალეტშიც გადამიღე“, - ამ შინაარსის ტრასფარანტებით მთავრობის ადმინისტრაციის შენობასთან აქცია „არა შანტაჟს!“ გაიმართა.

„ექსპრესნიუსის“ რეპორტიორის ინფორმაციით, აქციის მონაწილეები სოციალური ქსელით გავრცელებულ პირადი ცხოვრების ამსახველ კადრებს სტვენით აპროტესტებენ.

როგორც აქციის ერთ-ერთმა ორგანიზატორმა, იდენოტობის დირექტორმა მარია დარჩიევამ ჟურნალისტებს განუცხადა, კადრები, რომელიც გავრცელდა, უაღრესად სამარცხვინოა.

„ეს არის ძალიან სამარცხვინო ფაქტი. ასეთი კადრების გავრცელება ვიცით, რომ ისჯება კანონით. ვითხოვთ, რომ დროულად მოხდეს გამოძიება და შესაბამისმა უწყებებმა დროულად მოახდინონ რეაგირება. ჩვენ ვუერთდებით რა თქმა უნდა მიმდინარე აქციას“, - განაცხადა დარჩიევამ.

საპროტესტო აქციაზე არასაპარლამენტო ოპოზიციის და არასამთავრობო ორგანიზაციების წარმომადგენლები იმყოფებოდნენ. ადგილზე 100-მდე ადამიანი შეიკრიბა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ

ისრაელის პრეზიდენტმა გადი აიზენკოტს დაავალა მთავრობის ფორმირება

აქცია ვეკუას სკოლასთან

Bloomberg - ევროპამ უარი თქვა რუსეთის უსაფრთხოების მოთხოვნების განხილვაზე მანამ, სანამ უკრაინაში ომი არ დასრულდება