უკრაინის პრეზიდენტი ვოლოდიმირ ზელენსკი აცხადებს, რომ დღეს სატელეფონო საუბარს გამართავს დონალდ ტრამპთან. ამის შესახებ ზელენსკიმ ფინეთში ვიზიტისას გამართულ პრესკონფერენციაზე ისაუბრა.

უკრაინის პრეზიდენტს ტრამპთან დაგეგმილი სატელეფონო ზარის შესახებ დამატებით დეტალებზე კომენტარი არ გაუკეთებია.

ზელენსკის თქმით, რუსეთთან მოლაპარაკებებში უკრაინის „წითელი ხაზები“ მოიცავს სამართლიან გარანტიებს, რომ ომი არ განახლდება, ასევე „ათასობით“ ტყვის გათავისუფლებას რუსეთიდან.

უკრაინის პრეზიდენტმა ვლადიმირ პუტინი აშშ-ის პრეზიდენტთან, დონალდ ტრამპთან მიცემული დაპირების დარღვევაში დაადანაშაულა.

„პუტინისა და ტრამპის საუბრის შემდეგ, პუტინმა განაცხადა, რომ თითქოს გასცა ბრძანება უკრაინის ენერგეტიკულ ინფრასტრუქტურაზე თავდასხმების შეწყვეტის შესახებ. ღამით 150 უპილოტო საფრენი აპარატით განხორციელდა თავდასხმა, რომელთა სამიზნეც სხვა ობიექტებს შორის ენერგეტიკული ინფრასტრუქტურაც იყო. თავდასხმები განხორციელდა სატრანსპორტო საშუალებებზეც. სამწუხაროდ, ორი საავადმყოფო დაზიანდა. სხვა სიტყვებით რომ ვთქვათ, პუტინის სიტყვები სრულიად განსხვავდება რეალობისგან“, – განაცხადა ზელენსკიმ ფინეთის პრეზიდენტთან, ალექსანდრ სტუბთან გამართულ პრესკონფერენციაზე.

ამასთან, ზელენსკის თქმით, ნატო უკრაინასთან ერთად უფრო ძლიერი იქნება, თუმცა აღიარა, რომ ალიანსში გაწევრიანება არ იქნება ადვილი.

„რუსეთი პირველი დაესხა თავს უკრაინას, მოსკოვი არის აგრესორი. ჩვენ ვიბრძვით ჩვენი სუვერენიტეტისა და დამოუკიდებლობისთვის, ჩვენ მოვიგებთ ამ ომს“, – ზელენსკიმ.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს