გასულ წელს ვილნიუსში IKEA-ს მაღაზიაში გაჩენილი ხანძრის უკან რუსეთის სამხედრო დაზვერვა დგას , - ამის შესახებ ინფორმაციას Sky News-ი ლიეტუვის პროკურატურაზე დაყრდნობით ავრცელებს.

ლიეტუვის პროკურატურის განცხადებით, 2024 წლის მაისში, ვილნიუსში მდებარე IKEA-ს მაღაზიას ცეცხლი უკრაინის ორმა მოქალაქემ წაუკიდა, მომხდარის უკან კი რუსეთის სამხედრო დაზვერვა იდგა.

ლიეტუვის პროკურატურაში განაცხადეს, რომ მომხდარს ტერორიზმის მუხლით იძიებენ და ერთ-ერთი დამნაშავე პოლონეთში დააკავეს.

ამასთან, ლიეტუვის პროკურატურის ინფორმაციით, იმავე ჯგუფმა შარშან პოლონეთის დედაქალაქ ვარშავაში მდებარე ერთ-ერთ სავაჭრო ცენტრს ცეცხლი წაუკიდა, რის შედეგადაც ცხრა ადამიანი დააკავეს.

ლიეტუვის პროკურატურის მიერ გავრცელებულ ინფორმაციას პოლონეთის პრემიერ-მინისტრი, დონალდ ტუსკი გამოეხმაურა და აღნიშნა, რომ „მოლაპარაკებების დაწყებამდე ამის ცოდნა კარგია“.

„ძვირფასო მოკავშირეებო, ლიეტუვის პროკურატურის გამოძიებამ დაადასტურა ჩვენი ეჭვი, რომ რუსეთის სპეცსამსახურები ვილნიუსისა და ვარშავის სავაჭრო ცენტრებში ხანძრის გაჩენაზე არიან პასუხისმგებლები. მოლაპარაკებების დაწყებამდე ამის ცოდნა კარგია. ამ სახელმწიფოს ბუნება ასეთია“, - წერს ტუსკი X-ზე.

ავტორი: ექსპრესნიუსი,

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ