პუტინი ცეცხლის შეწყვეტის შესახებ ტყუის, - ამის შესახებ უკრაინის პრეზიდენტი, ვოლოდიმირ ზელენსკი სოციალურ პლატფორმაზე წერს.

„ევროპელი ლიდერების შეხვედრაზე ვისაუბრე და აღვნიშნე, რომ მშვიდობისკენ მიმავალ გზაზე სვლა უპირობოდ უნდა დაიწყოს. თუ რუსეთს ეს არ სურს, მაშინ ძლიერი ზეწოლა მანამდე უნდა განხორციელდეს, სანამ ამას არ მოისურვებს. მოსკოვს მხოლოდ ერთი ენა ესმის. ჩვენ ვისაუბრეთ იმის შესახებ, თუ ვინ გააჭიანურებდა მშვიდობის მიღწევას და ახლა ამას ნათლად ვხედავთ. ცეცხლის შეწყვეტა შეიძლებოდა უკვე მომხდარიყო, მაგრამ რუსეთი ამისთვის ხელის შესაშლელად ყველაფერს აკეთებს“, - წერს ვოლოდიმირ ზელენსკი.

მისი თქმით, რუსეთზე ძლიერი ზეწოლაა საჭირო და ასევე, პარტნიორებმა უკრაინის უსაფრთხოების გარანტიებთან დაკავშირებით პოზიციები მკაფიოდ უნდა განსაზღვრონ.

„პუტინი ადგილზე არსებული ვითარების შესახებ ყველას ატყუებს, განსაკუთრებით იმის შესახებ, თუ რა ხდება კურსკის ოლქში, სადაც ჩვენი ძალები ოპერაციას აგრძელებენ. პუტინი ასევე ტყუის იმის შესახებ, რომ ცეცხლის შეწყვეტა თითქოსდა ძალიან რთულია. რეალურად, ყველაფრის კონტროლი შეიძლება და ეს ჩვენ ამერიკელებთან განვიხილეთ. სიმართლე ისაა, რომ პუტინმა ომი ჯიდაში გამართული მოლაპარაკებების შემდეგ თითქმის ერთი კვირაა გააჭიანურა და ამას გააგრძელებს“, - აღნიშნავს უკრაინის პრეზიდენტი.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს