„ექსპრესნიუსის“ ჟურნალისტები ვგმობთ რაიმე სახის ზეწოლას პოლიტიკური ჯგუფისა, თუ ცალკეული პოლიტიკოსებისგან. როგორც გუშინ „ექსპრესნიუსის“ გაერთიანებული ნიუსრუმის მთავარმა რედაქტორმა სოციალურ ქსელში დაწერა, პარტია „დემოკრატიული მოძრაობა - ერთიანი საქართველო“-ს   ერთ-ერთმა ლიდერმა გიორგი ახვლედიანმა იცის, თუ რომელი სპეცსამსახურები აწვდიან ინფორმაციას „ექსპრესნიუსს“.

აღნიშნული ცილისმწამებლური განცხადება, მედიაჰოლდინგ „ექსპრესნიუსში“ მომუშავე თითოეული თანამშრომლისთვის  შეურაცხმყოფელია.

მივმართავთ ბატონ გიორგი ახვლედიანს, წარმოადგინოს მტკიცებულებები, სადაც მის მიერ ნათქვამ განცხადებას დაადასტურებს, ან საჯაროდ  ბოდიში მოიხადოს. ასევე, მივმართავთ პარტიას- ან დაადასტუროს ფაქტი, ან  პოლიტიკოსის მიერ გაკეთებულ განცხადებას გაემიჯნოს.

მიგვაჩნია, რომ ეს არ ყოფილა შეურაცხმყოფელი განცხადება მხოლოდ ირაკლი მანაგაძის მიმართ, ეს არის ზეწოლა თავისუფალი მედიასაშუალებისა და იქ მომუშავე ჟურნალისტების მიმართ.

აქვე აღვნიშნავთ, რომ ჩვენთვის, ჟურნალისტებისთვის,  დამოუკიდებლობა ყველაზე მაღალ ღირებულებას წარმოადგენს. სამწუხაროდ,  პოლიტიკოსების მხრიდან ჟურნალისტების შეურაცხყოფა,  ერთგვარ მოდად დამკვიდრდა, რაც შემაშფოთებელია. კიდევ უფრო სამწუხაროა, როდესაც ამას აკეთებს პოლიტიკოსი, რომელიც წარსულში ჟურნალისტი იყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის სამივე ყოფილმა პრეზიდენტმა კუჩმამ, იუშენკომ და პარაშენკომ პოლონეთის უმაღლეს ჯილდოზე უარი თქვეს

„ჩემი პოპულარობა შენი საქმე არ არის“: მელონიმ ტრამპის ბოლო თავდასხმებს უპასუხა

Bloomberg: დიდი ბრიტანეთი დაბალფასიან, შორი მოქმედების იარაღს ავითარებს, რომლის გამოყენებაც უკრაინაში შეიძლება

ტრამპმა კვლავ გააკრიტიკა იტალიის პრემიერ-მინისტრი