გრენლანდიის საპარლამენტო არჩევნებში, ყველა უბნის მონაცემების დათვლის საფუძველზე, ხმათა უმეტესობა ოპოზიციურმა დემოკრატიულმა პარტიამ (Demokraatit) მოიპოვა - მას 29.9%-იანი მხარდაჭერა აქვს, 2021 წლის შემდეგ პარტიის მხარდაჭერა 9.1%-ითაა გაზრდილი, პარტია გრენლანდიის დანიისგან ნელი ტემპით გამოყოფას ემხრობა.

24.5 პროცენტიანი მხარდაჭერა მიიღო ოპოზიციურმა პარტია Naleraq-მა, ის დანიისგან გრენლანდიის სწრაფად გამოყოფას ემხრობა.

„ხალხს სურს ცვლილებები ... ჩვენ გვსურს მეტი ბიზნესი, ფინანსები და კეთილდღეობა" - განაცხადა იენს- ფრედერიკ ნიელსენმა, დემოკრატიული პარტიის ლიდერმა, მრეწველობისა და მინერალების ყოფილმა მინისტრმა, როგორც მან უთხრა ჟურნალისტებს გრენლანდიის დედაქალაქ ნუუკში, არ სურს დამოუკიდებლობა ხვალვე, ამისთვის კარგი „ფუნდამენტია საჭირო“.

არჩევნებში, ჯამში ხმათა 36% მიიღო მმართველი პარტიის Inuit Ataqatigiit-სა და პარტია Siumut-ის კოალიციამ.

როგორ ქვეყნის პრემიერმა, მმართველი პარტიის ლიდერმა მუტე ეგედემ დაწერა თავის ფეისბუკის გვერდზე, აღიარებს არჩევნების შედეგებს და განიხილავს კოალიციის შექმნის თაობაზე ნებისმიერ წინადადებას.

საპარლამენტო არჩევნები გრენლანდიაში 11 მარტს ჩატარდა, მასში ხუთი პარტია მონაწილეობდა.

გრენლანდიის პარლამენტის - 31 წევრისგან შემდგარი „ინაცისარტუტის“ არჩევნები არასოდეს იქცევდა ხოლმე განსაკუთრებულ ყურადღებას. დედამიწის ყველაზე დიდი კუნძული, რომელზეც 60 ათასამდე ადამიანი ცხოვრობს, იშვიათად ხვდებოდა ახალ ამბებში 2025 წლის იანვრამდე, როცა აშშ-ის პრეზიდენტმა დონალდ ტრამპმა გრენლანდიის მიმართ ინტერესი გამოთქვა მისი სტრატეგიული მდებარეობისა და მდიდარი წიაღისეულის გამო. ტრამპის თქმით, აშშ-ისთვის გრენლანდიის ფლობა „აბსოლუტურად აუცილებელია“ „ეროვნული უსაფრთხოებისა და თავისუფლების უზრუნველყოფისთვის მთელს მსოფლიოში“.

ავტორი: ექსპრესნიუსი,

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს