ლატვიის საგარეო საქმეთა მინისტრი ბაიბა ბრაჟე აცხადებს, რომ რუსეთის პრეზიდენტი ვლადიმერ პუტინი სამშვიდობო მოლაპარაკებებში შეეცდება, მიაღწიოს იმას, რასაც ვერ მიაღწია უკრაინის წინააღმდეგ ომში, შეასუსტოს შეერთებული შტატები და დაიბრუნოს კონტროლი უკრაინაზე.

ბრაჟე აღნიშნავს, რომ 140-მილიონიანმა რუსეთმა 2014 წელს ყირიმის ხელში ჩაგდებისა და 2022 წლის 24 თებერვალს სრულმასშტაბიანი შეჭრის შემდეგ უკრაინის 20%-ზე ნაკლებზე მოიპოვა კონტროლი. მისი თქმით, პუტინმა ვერ შეასუსტა შეერთებული შტატები და ნატო-ს სამხედრო ალიანსი.

ბრაჟეს განცხადებით, მსოფლიო ხედავს, რომ პუტინი როდესაც სხვა ქვეყნებში ერევა, მას სურს გააკონტროლოს როგორც ტერიტორია, ასევე მათი მთავრობების პოლიტიკური არჩევანი. ლატვიის საგარეო საქმეთა მინისტრის თქმით, სირიაში ვლადიმერ პუტინმა მხარი დაუჭირა ბაშარ ალ-ასადის ავტორიტარულ რეჟიმს და მიიღო სამხედრო ბაზები ხმელთაშუა ზღვაზე.

როგორც ბრაჟემ აღნიშნა, ლატვია და ბალტიისპირეთის მეზობელი ქვეყნები, ესტონეთი და ლიეტუვა მზად უნდა იყვნენ რუსეთის მხრიდან ნებისმიერი მომავალი აგრესიისთვის.

ავტორი: ექსპრესნიუსი,

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა