აშშ-ს თავდაცვის მინისტრმა, პიტ ჰეგსეთმა, უკრაინის თავდაცვის საკონტაქტო ჯგუფის შეხვედრაზე, რომელიც გაერთიანებული სამეფოს თავმჯდომარეობით გაიმართა, უკრაინის ომის დასრულებასთან დაკავშირებით ტრამპის ადმინისტრაციის გეგმა წარადგინა. ჰეგსეთმა აღნიშნა, რომ აშშ-ს და ევროპის მიზანია სუვერენული და აყვავებული უკრაინა, თუმცა აღნიშნა, რომ უკრაინის 2014 წლის საზღვრებზე დაბრუნება „არარეალური მიზანია“, რომელიც ომის გაგრძელებასა და ტანჯვას გამოიწვევს.

„ამ წარმოსახვითი მიზნის დევნა მხოლოდ გაახანგრძლივებს ომს“, – განაცხადა ჰეგსეთმა.

ჰეგსეთმა ასევე გამოთქვა აზრი, რომ უკრაინის გრძელვადიანი მშვიდობა უნდა მოიცავდეს მტკიცე უსაფრთხოების გარანტიებს, რათა ომი თავიდან აიცილოს, თუმცა აღნიშნა, რომ უკრაინისთვის NATO-ს წევრობა მოლაპარაკებით „რეალისტური შედეგი არ იქნება“.

„უკრაინისთვის მშვიდობის პროცესში მნიშვნელოვანი იქნება, რომ რუსეთის აგრესია აღიკვეთოს. უკრაინამ არ უნდა გაიმეოროს 2022 წლის სამშვიდობო მოლაპარაკებების ის გამოცდილება, რაც წარმატებული არ აღმოჩნდა“, – აღნიშნა ჰეგსეთმა.

მისივე თქმით, უკრაინას უნდა მიეწოდოს არა მხოლოდ ლეტალური, არამედ არალეტალური დახმარება, ხოლო ევროპამ მეტი საბრძოლო მასალები უნდა გადასცეს, რათა საყოველთაო თავდაცვის სისტემა გაძლიერდეს.

ჰეგსეთმა დასძინა, რომ უკრაინისთვის ნებისმიერი სახის უსაფრთხოების გარანტიები უნდა იყოს უზრუნველყოფილი „ქმედუნარიანი ევროპული და არაევროპული სამხედრო ძალების“ მიერ. „ეს უნდა მოხდეს NATO-ს 5-ე მუხლის გარეშე“, – განაცხადა მან.

აშშ-ს თავდაცვის მინისტრმა ასევე განაცხადა, რომ ენერგოპოლიტიკის კუთხით ტრამპის ადმინისტრაცია ხელს უწყობს ამერიკული ენერგო წარმოების ზრდას, რათა შემცირდეს რუსული ენერგორესურსებისადმი დამოკიდებულება. „რუსეთს მოლაპარაკებების მაგიდასთან მივიყვანს დაბალი ფასები და ეფექტური სანქციები“, – განაცხადა ჰეგსეთმა.

„ევროპას კი უკრაინის სწრაფი უსაფრთხოების მხარდაჭერა დაეკისრება, რათა თავდაცვის ბიუჯეტი გაიზარდოს და რუსეთის აგრესია შეჩერდეს“, – დასძინა ჰეგსეთმა.

9 თებერვალს, აშშ-ს ეროვნული უსაფრთხოების მრჩეველმა, მაიკ უოლცმა, განაცხადა, რომ აშშ განიხილავს რუსეთის უკრაინაში ომის დასრულების გზებს, თუმცა ევროპა უნდა იყოს პასუხისმგებელი უსაფრთხოების გარანტიებზე.

ამასთან, ჰეგსეთმა გაიმეორა ტრამპის მოწოდებები NATO-ს წევრი ქვეყნების მიმართ, რომ თავდაცვის ხარჯები 2%-იდან 5%-მდე გაიზარდოს.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს