FBI-ის ცხრა აგენტმა შეიტანა სარჩელი აშშ-ს იუსტიციის დეპარტამენტის წინააღმდეგ დონალდ ტრამპის მხარდამჭერების მიერ კაპიტოლიუმის შენობაში 2021 წლის 6 იანვარს შტურმის გამოძიების გამო. 

მათ სთხოვეს ვაშინგტონის ფედერალურ სასამართლოს, დაებლოკა იუსტიციის დეპარტამენტისა და გენერალური პროკურორის მოვალეობის შემსრულებელი ჯეიმს მაკჰენრის ძალისხმევა გამოძიებაში ჩართული აგენტების შესახებ ინფორმაციის შეგროვებისთვის.

მოსარჩელეების ვინაობას მათი უსაფრთხოებაზე შეშფოთების გამო არ ასახელებენ. სარჩელი მას შემდეგ შევიდა, რაც გენერალური პროკურორის მოადგილემ ემილ ბოვმა, ტრამპის ყოფილმა ადვოკატმა, სთხოვა FBI-ს თანამშრომლებს, 5 თებერვლამდე შეავსონ ფორმები, სადაც დეტალურადაა აღწერილი მათი მონაწილეობა კაპიტოლიუმის ბუნტის გამოძიებაში.

თანამშრომლების შესახებ ინფორმაციის შეგროვება არის „პოლიტიკური წმენდის“ ნაწილი, რომელიც წამოიწყო ტრამპის მიერ „პოლიტიკურად მოტივირებული შურისძიების“ სახით თეთრ სახლში დაბრუნების შემდეგ, თვლიან მოსარჩელეები. „ეს ბრძანება არის უკანონო და გაცემულია, როგორც შურისძიების ფორმა“, - აცხადებენ ისინი. სარჩელში ასევე ნათქვამია, რომ გასულ კვირას იუსტიციის დეპარტამენტმა გაათავისუფლა რამდენიმე მაღალი თანამდებობის პირი, რომლებიც მონაწილეობდნენ ტრამპის გამოძიებაში.

მოსარჩელეები ამბობენ, რომ ისინი წარმოადგენენ FBI-ს სულ მცირე 6000 ამჟამინდელ ან ყოფილ თანამშრომელს, რომლებიც გარკვეულწილად მონაწილეობდნენ გამოძიებაში „დონალდ ტრამპის ან მისი სახელით მოქმედი პირების მიერ დანაშაულებრივი ქმედებებისა და ძალაუფლების ბოროტად გამოყენების შესახებ“.

ავტორი: ექსპრესნიუსი,

სოციალური ქსელები

The Economist - უკრაინამ სამი წლის განმავლობაში პირველად აიღო ინიციატივა ფრონტის ხაზზე

ზურაბიშვილმა ახალ პატრიარქს მოუწოდა, შეიწყალოს ყველა სინდისის პატიმარი

„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე

პატრიარქმა კირილმა შიო III-ს მშვიდობიანი და კურთხეული პატრიარქობა უსურვა