შეთანხმება მიღწეულია ბრიტანეთის პრინც ჰარის მიერ აშშ-ის მედია მაგნატის რუპერტ მერდოკის News Group Newspapers-ის (NGN) წინააღმდეგ აღძრული სარჩელის შესახებ მონაცემთა სავარაუდო უკანონო შეგროვების გამო. პრინც ჰარის ადვოკატმა ეს განცხადება ოთხშაბათს გააკეთა, მას შემდეგ რაც მისი სასამართლო პროცესი მოულოდნელად გადაიდო.

პრინცი მეუღლესთან მეგან მარკლთან და შვილებთან ერთად კალიფორნიაში ცხოვრობს.

პრინცის ადვოკატმა გამოაცხადა, რომ შეთანხმება მიღწეულია პრეტენზიების მოსაგვარებლად. NGN-თან შეთანხმების თანახმად, კომპანია დათანხმდა მნიშვნელოვანი ზიანის გადახდას და აღიარა, რომ პრინცი ჰარი Sun-ის მიერ უკანონო მოქმედების მსხვერპლი იყო და რომ მისი ტელეფონი გატეხილი იყო News of the World-ის მიერ. NGN-მა ასევე ბოდიში მოიხადა პრინც ჰარის გარდაცვლილი დედის, პრინცესა დიანას კონფიდენციალურობისთვის.

სასამართლო პროცესი სამშაბათს უნდა დაწყებულიყო, მაგრამ მხარეებმა მეტი დრო ითხოვეს გარიგების შესამუშავებლად, იტყობინება Reuters.

პრინცმა ჰარიმ პირველად შეიტანა სარჩელი NGN-ის წინააღმდეგ 2019 წელს; ეს იყო ერთ-ერთი იმ რამდენიმე სარჩელიდან, რომელიც მან ბრიტანულ გაზეთებს მიმართა.

NGN, რომელმაც ასობით მილიონი ფუნტი გადაუხადა News of the World-ის მიერ უკანონო ინფორმაციის შეგროვების მსხვერპლს და მოაგვარა 1300-ზე მეტი პრეტენზია, მათ შორის ცნობილი ადამიანებისგან, მანამდე მუდმივად უარყოფდა პრინც ჰარის ბრალდებებს.

თვითონაც არაერთხელ უთქვამს, რომ ფულის შოვნას კი არ ცდილობს, არამედ სიმართლის დადგენას.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს