აშშ-ის პრეზიდენტმა, ჯო ბაიდენმა წინასწარი შეწყალების აქტი გამოსცა ენტონი ფაუჩის, გენერალ მარკ მილისა და კონგრესის წევრებისთვის, რომლებიც იძიებდნენ 2021 წლის 6 იანვარს კაპიტოლიუმზე თავდასხმას.

ჯო ბაიდენის განცხადების თანახმად, აღნიშნული საჯარო მოხელეები ემსახურებოდნენ ამერიკელებს პატივით, გამორჩეულად და არ იმსახურებენ, იყვნენ გაუმართლებელი და პოლიტიკურად მოტივირებული დევნის სამიზნე. ბაიდენის თქმით, შეწყალება „არ უნდა ჩაითვალოს როგორც აღიარება“, რომ რომელიმე მათგანი „ჩართული იყო რაიმე დანაშაულში“.

ენტონი ფაუჩის, რომელიც მეთვალყურეობდა აშშ-ის პასუხს „კოვიდ-19“-ის პანდემიაზე, ხშირად აკრიტიკებდნენ ტრამპი და მისი პოლიტიკური მოკავშირეები. აშშ-ის გაერთიანებული შტაბების კომიტეტის ყოფილმა ხელმძღვანელმა, მარკ მილიმ ტრამპს „ძირამდე ფაშისტი“ და „სახიფათო“ უწოდა.

ბაიდენის შეწყალება მოიცავს 2021 წლის 6 იანვრის ბუნტის გამოძიების დროს წარმომადგენელთა პალატის კომიტეტის წევრებს, ასევე მათ თანამშრომლებს და ოფიცრებს, რომლებმაც ჩვენება მისცეს.

ავტორი: ექსპრესნიუსი,

სოციალური ქსელები

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა

დააკავეს ნაცისტურ-ფაშისტური იდეოლოგიის მქონე დაჯგუფების ერთ-ერთი ლიდერი - შსს