2025-01-17 16:32:22, 537 ნახვა
მსოფლიო
მაკრონი ლიბანში ოფიციალური ვიზიტით ჩავიდა
საფრანგეთის პრეზიდენტი, ემანუელ მაკრონი, 17 იანვარს ლიბანის დედაქალაქ ბეირუთში ოფიციალური ვიზიტით ჩაფრინდა. მაკრონის ვიზიტის მთავარი მიზანი ლიბანის ახალი ლიდერისთვის საფრანგეთის მხარდაჭერის გამოხატვაა.
ვიზიტის ფარგლებში მაკრონი ლიბანის ახალ პრეზიდენტს, ჯოზეფ აუნს შეხვდება, რომელიც ლიბანის პარლამენტმა ორ წლიანი პოლიტიკური კრიზისის შემდეგ, პრეზიდენტად 9 იანვარს აირჩია.
საფრანგეთის პრეზიდენტის ადმინისტრაციის ინფორმაციით, ვიზიტის მთავარი მიზანია ჯოზეფ აუნისა და ლიბანის პრემიერმინისტრობის კანდიდატ ნავაფ სალამისთვის "ლიბანის სუვერენიტეტის გამყარებაში, მისი კეთილდღეობის უზრუნველყოფასა და ერთიანობის შენარჩუნებაში დახმარების გაწევაა".
ავტორი: ექსპრესნიუსი,
epn.ge (@expressnews.ge)
