უნგრეთის საგარეო საქმეთა მინისტრი პიტერ სიიარტო აცხადებს, რომ აშშ-ის მიერ რუსეთის წინააღმდეგ დაწესებული სანქციების ბოლო პაკეტი სერიოზულ პრობლემებს შეუქმნის ცენტრალურ ევროპას ენერგეტიკის კუთხით და საწვავის ფასების ზრდას გამოიწვევს.

„სანქციების ეს ახალი პაკეტი ცენტრალურ ევროპაში სერიოზულ გამოწვევებს ქმნის, რადგან სანქციების სიაში შედის კომპანია, რომელიც სერბეთისთვის ნავთობის მიწოდებაში მთავარ როლს ასრულებს,“ – განაცხადა სიიარტომ.

მისი თქმით, სანქციები იწვევს ნავთობისა და გაზის მიწოდების შემცირებას, რაც საწვავის ფასების მკვეთრ ზრდას გამოიწვევს.

„ჩვენ მჭიდრო კონსულტაციებს ვაწარმოებთ ჩვენს რეგიონალურ პარტნიორებთან, რათა მინიმუმამდე დავიყვანოთ სანქციების გავლენა საწვავის ფასებზე და დავიცვათ ცენტრალური ევროპის ეკონომიკა და უნგრელი ხალხი. საწვავის ფასების ზრდა არა მხოლოდ აუტანელს ხდის ადამიანების ცხოვრებას და ზრდის ხარჯებს, არამედ უარყოფითად აისახება მთელ ეკონომიკაზე,“ – აღნიშნა სიიარტომ.

აღსანიშნავია, რომ 10 იანვარს ბაიდენის ადმინისტრაციამ გამოაცხადა ყოვლისმომცველი სანქციები რუსული ნავთობისა და გაზის სექტორის წინააღმდეგ. სანქციები შეეხო 183 ტანკერს, ნავთობის მოვაჭრეებს, ნავთობსერვისის კომპანიებს, რუსეთის ენერგეტიკის სამინისტროს ხელმძღვანელობას და რიგ ნავთობკომპანიების ხელმძღვანელებს.

უნგრეთის საგარეო საქმეთა მინისტრი ცენტრალური ევროპის ქვეყნებს ენერგეტიკული უსაფრთხოების გასაუმჯობესებლად ერთობლივი ნაბიჯების გადადგმისკენ მოუწოდებს.

ავტორი: ექსპრესნიუსი,

სოციალური ქსელები

ტრამპი ირანს „განადგურებით“ დაემუქრა, თუ თეირანი დარტყმებს არ შეწყვეტს

რუსთავის ქალთა ციხესთან, აქტივისტის ნანა სანდერის მხარდამჭერი აქცია მიმდინარეობს

პატრიოტი დანიელი მხარს უჭერს ბულგარეთის წინააღმდეგობას პატრიოტ კირილისთვის სანქციების დაწესების შესახებ

ლევან მაჭავარიანი და არჩილ გორდულაძე ბოდიშს იხდიან პარლამენტში ჩხუბისთვის