ყველაფერი უნდა გავაკეთოთ იმისთვის, რომ უკრაინას ჰქონდეს ის, რაც მას სჭირდება წვრთნების, აღჭურვილობის თვალსაზრისით, ბრძოლის გასაგრძელებლად და ამ ბრძოლაში გასამარჯვებლად, - ამის შესახებ ნატო-ს გენერალურმა მდივანმა, მარკ რუტემ „რამშტაინის“ საჰაერო ბაზაზე უკრაინის თავდაცვის საკონტაქტო ჯგუფის შეხვედრის წინ განაცხადა.

მისი თქმით, საქმე მხოლოდ უკრაინას არ ეხება.

„ჩვენ ვნახეთ 13 ადამიანი, რომელიც გუშინ დაიღუპა ზაპოროჟიეში, ისინი იყვნენ უდანაშაულო მშვიდობიანი მოქალაქეები, რომლებიც არ აქტიურობდნენ ომში და მათ დაარტყეს ქალაქ ზაპორიჟიეზე რუსეთის თავდასხმისას. ეს იმის მტკიცებულებაა, რომ დიახ, რა თქმა უნდა, რუსეთი ცდილობს უკრაინის ხელში ჩაგდებას. მაგრამ ეს ასევე გლობალური კონტექსტია და გლობალური კონტექსტი არის ის, რომ ჩვენ უნდა ჩავაყენოთ უკრაინა საუკეთესო მდგომარეობაში, რათა ერთ დღეს, როდესაც უკრაინის ინიციატივით დაიწყება მოლაპარაკებები იმაზე, თუ როგორ უნდა მოგვარდეს ეს კონფლიქტი, ისინი ამისთვის საუკეთესო მდგომარეობაში იყვნენ“, - აღნიშნა რუტემ.

მისი თქმით, როდესაც ეს მოლაპარაკებები დასრულდება, იმას, კარგი გარიგება დაიდება თუ არა, თვალყურს ადევნებენ ჩინელები, ჩრდილოეთ კორეელები, ირანი და, ცხადია, თავად რუსეთი.

„მთელი მსოფლიო უყურებს. ასე რომ, უნდა უზრუნველვყოთ ის, რომ უკრაინა საუკეთესო მდგომარეობაში იყოს. არ უნდა დაგვავიწყდეს, რომ აქ სასწორზე გეოპოლიტიკური კონტექსტი დევს“, - აღნიშმა რუტემ.

ავტორი: ექსპრესნიუსი,

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა