ჯო ბაიდენი ვენესუელის ოპოზიციის ლიდერს შეხვდა, - ამის შესახებ ინფორმაციას აშშ-ის პრეზიდენტი სოციალურ ქსელში ავრცელებს.

„დღეს ვენესუელის არჩეულ პრეზიდენტს, ედმუნდო გონსალესს ვუმასპინძლე. კაცს, რომლის კამპანიამაც მილიონობით ადამიანი შთააგონა და რომელმაც ოთხ დღეში ფიცი უნდა დადოს. ვენესუელელი ხალხი საპრეზიდენტო არჩევნებში ნამდვილი გამარჯვებულისთვის ძალაუფლების მშვიდობიან გადაცემას იმსახურებს“, - წერს ჯო ბაიდენი.

ვენესუელის მოქმედი პრეზიდენტის, ნიკოლას მადუროს ინაუგურაცია პარასკევს, 10 იანვარს გაიმართება.

შეგახსენებთ, ვენესუელის საარჩევნო ორგანომ 28 ივლისს გამართულ საპრეზიდენტო არჩევნებში გამარჯვებულად ნიკოლას მადურო გამოაცხადა. არჩევნების შემდეგ ვენესუელაში საპროტესტო აქციები დაიწყო და ხელისუფლებამ 2000-ზე მეტი ადამიანი დააკავა. ოპოზიციის განცხადებით, არჩევნებში მათმა კანდიდატმა ედმუნდო გონსალესმა გაიმარჯვა, რომელმაც მოგვიანებით ქვეყანა დატოვა. აშშ ვენესუელის საპრეზიდენტო არჩევნებში გამარჯვებულად ედმუნდო გონსალესს აღიარებს.

ავტორი: ექსპრესნიუსი,

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა