საქართველოს იუსტიციის სამინისტროს მმართველობის სფეროში მოქმედი  სსიპ „დანაშაულის პრევენციის ცენტრისა" და იუსტიციის სახლის ერთობლივი პროგრამის  „მოხალისე" მონაწილეებთან შეხვედრა გაიმართა.

სსიპ „დანაშაულის პრევენციის ცენტრის" დირექტორის მოადგილემ გიორგი პაპავამ 100-მდე მოხალისეს სერტიფიკატები გადასცა.

დანაშაულის პრევენციის ცენტრის ინფორმაციით, პროგრამაში მონაწილეობდნენ როგორც 14-დან 18 წლამდე ასაკის სკოლის მოსწავლეები, ისე სტუდენტებიც. მათ საშუალება ჰქონდათ მოქალაქეთა მომსახურების პროცესში მოხალისედ ჩართულიყვნენ.

პროგრამა „მოხალისე“ თბილისის გარდა სხვა იუსტიციის სახლებშიც მიმდინარეობს. მისი მიზანია ახალგაზრდებში მოხალისეობრივი კულტურის განვითარების ხელშეწყობა. მოხალისეები გარკვეული ტრენინკურსის გავლის შემდეგ იუსტიციის სახლის თანამშრომლებს მოქალაქეების მიღებასა და ფოტოების გადაღებაში ეხმარებოდნენ.

"ამ პროექტის ფარგლებში, მოსწავლეებმა დიდი გამოცდილება მიიღეს. იუსტიციის სახლისა და ჩვენი ცენტრის ერთობლივი პროექტი მთლიანად მოხალისეობრივ საწყისებზე იყო დაფუძნებული და ქვეყანაში მოხალისეობრივი კულტურის განვითარების ხელშეწყობას გულისხმობდა, რაც დანაშაულის პრევენციის ცენტრის ერთ-ერთ მიმართულებას წარმოადგენს", - აღნიშნა გიორგი პაპავამ.

პროექტის მნიშვნელობაზე ისაუბრეს და მოხალისეებს მადლობა გადაუხადეს იუსტიციის სახლის წარმომადგენლებმა.

ცნობისთვის, 2014-2015 წლებში პროგრამაში 1500-ზე მეტი ახალგაზრდა მონაწილეობდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება