ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი დავით ბაქრაძე რუმინეთის საგარეო საქმეთა მინისტრს  ბოგდან აურესკუს შეხვდა.  

შეხვედრა მთავრობის ადმინისტრაციაში გაიმართა.

შეხვედრაზე მხარეებმა საქართველოს ევროპული და ევროატლანტიკური ინტეგრაციის პროცესი, ამ მიმართულებით არსებული მექანიზმების მნიშვნელობა განიხილეს.
მხარეებმა, ასევე, რეგიონში არსებულ უსაფრთხოების გამოწვევებზე ისაუბრეს და სახელმწიფო მინისტრმა აფხაზეთის დე-ფაქტო მთავრობასა და რუსეთის ფედერაციულ რესპუბლიკას შორის დადებულ „მოკავშირეობისა და სტრატეგიული პარტნიორობის შესახებ“ ე.წ.  ხელშეკრულებით გამოწვეულ საფრთხეებზე და მის შესაძლო შედეგებზე ისაუბრა. ხაზი გაესვა ევროკავშირის სადამკვირვებლო მისიის, როგორც საერთაშორისო მონიტორინგის ერთადერთი მექანიზმის მნიშვნელობას და დავით ბაქრაძემ მისიაში რუმინეთის მონაწილეობისათვის მადლიერება გამოხატა.
თავის მხრივ, რუმინულმა მხარემ დაადასტურა მზაობა დაეხმაროს საქართველოს ევროინტეგრაციის გამოცდილების გაზიარებასა და კომუნიკაციის სტრატეგიის გაძლიერებაში.
„რუმინეთი საქართველოს ძალიან მჭიდრო პარტნიორია, ეს იყო პირველი ქვეყანა რომელმაც მოახდინა ასოცირების შეთანხმების რატიფიცერება, მათ ყავთ ყველაზე დიდი წარმომადგენლობა ევროკავშირის მონიტორთა მისიაში. მნიშვნელოვანი პარტნიორი ქვეყანაა ევროკავშირსა და ნატოში საქართველოს ინტეგრაციის მხარდაჭერის თვალსაზრისით. შესაბამისად, განხილულ იქნა ის მნიშვნელოვანი პროგრესი, რომელსაც საქართველო განიცდის არსებით ღონისძიებათა პაკეტის, ასოცირების შეთანხმების, ღრმა და ყოვლისმომცველი თავისუფალი სავაჭრო სივრცის შეთანხმების შესრულების თვალსაზრისით, ასევე, მომავალი თანამშრომლობა და ის გამოცდილება, რომელიც საქართველომ შეიძლება გაიზიაროს რუმინეთისგან ინტეგრაციის გზაზე“ - განაცხადა დავით ბაქრაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

CNN-ის დამფუძნებელი ტედ ტერნერი 87 წლის ასაკში გარდაიცვალა

რუსეთის ქალაქ რჟევში სახლებიდან, რომელსაც დრონები მოხვდა 350 ადამიანი ევაკუირებული იქნა

ბრიანსკში საცხოვრებელ შენობებზე დრონის შეჯახების შედეგად 13 ადამიანი დაშავდა

მოსკოვმა 9 მაისს კიევზე თავდასხმით დაიმუქრა და სხვა ქვეყნებს საელჩოების ევაკუაციისკენ მოუწოდა