The Financial Times: რუსეთს ბალტიისპირეთში ნატო-ს ძალების დამარცხება 60 საათში შეუძლია

2016-02-27 12:15:43, 708 ნახვა

ეკონომიკა

რუსეთის მზარდი აგრესიულობის ფონზე, NATO-ს ევროპის აღმოსავლეთის საზღვარის დაცვა არ სეუძლია, - ამის შესახებ ამერიკული გამოცემა The Financial Times -ი, ნატო-ს საექსპერტო ანგარიშზე დაყრდნობით იტყობინება.

აღსანიშნავია, რომ ანგარიშის ავტორები ნატო-ს ყოფილი მაღალჩინოსნები, მათ შორის ნატო-ს ყოფილი გენერალური მდივანი იაპ დე ჰოოპ სხეფერი და ევროპაში ნატო-ს ძალების მთავარსარდლის ყოფილი მოადგილე ბრიტანელი გენერალი რიჩარდ შირეფი არიან.

როგორც აღნიშნულ დოკუმენტშია ნათქვამი, 2013 წელს რუსეთის შეიარაღებული ძალების უკრაინაში შეჭრის ფონზე, ევროპის აღმოსავლეთში NATO-ს ძალების გაძლიერების საქმეში საკმარისი პროგრესი არ აღინიშნება.

აღსანიშნავია, ის ფაქტიც, რომ ალიანსს დაფინანსების ქრონიკული უკმარისობისა და შეიარაღებულ ძალებში "კრიტიკული ნაკლებობის" გამო პრობლემები აქვს.

ავტორების მოსაზრებით, ნატო-ს საკვანძო წევრებმა თავდაცვითი პოზიციების აღმოსავლეთისკენ გადანაცვლების მიზნით საკმარისი ზომა ვერ მიიღეს.

იანვრის ბოლოს კორპორაცია Rand-მა გამოაქვეყნა საექსპერტო ანგარიში, რომლის თანახმადაც, რუსეთს ბალტიისპირეთში ნატო-ს ძალების 60 საათში დაამარცხება და რიგა-ტალინის აიღება შეუძლია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან