2024-10-17 09:55:32, 2487 ნახვა
სპეციალური ანონსი
ევროპული საბჭოს სხდომაზე საქართველოს საკითხს განიხილავენ
ბრიუსელში დღეს და ხვალ ევროკავშირის ლიდერები შეიკრიბებიან და სხვა საკითხებთან ერთად, საქართველოზეც ისაუბრებენ. ამის შესახებ ევროპული საბჭოს პრეზიდენტის, შარლ მიშელის მოსაწვევ წერილში წერია, რომელიც ევროპული საბჭოს წევრებს გაეგზავნათ.
როგორც წერილშია აღნიშნული, ერთ-ერთი მთავარი თემა უკრაინის საკითხი იქნება.
„ევროპული საბჭო განიხილავს ჩვენს საერთაშორისო ურთიერთობასთან დაკავშირებულ რამდენიმე საკითხს, მათ შორის საქართველოში არსებულ ვითარებას. ორივე ქვეყანა თავიანთი ევროპული გზისთვის გადამწყვეტი მომენტის წინაშე დგას“,- აღნიშნულია მიშელის მოსაწვევ წერილში.
ევროპელი ლიდერები ასევე ყურადღებას გაამახვილებენ ახლო აღმოსავლეთში მიმდინარე მოვლენებზე, მიგრაციის საკითხსა და სხვა მნიშვნელოვან თემებზე.
ავტორი: ექსპრესნიუსი,
epn.ge (@expressnews.ge)
