კალაძე: „სოკართან" შეთანხმების შემდეგ გამოჩნდება, თუ როგორ დავასრულოთ მოლაპარაკებები "გაზპრომთან"

2016-02-22 14:34:01, 484 ნახვა

პოლიტიკა

საქართველოს ენერგეტიკის მინისტრ კახი კალაძის განცხადებით, "სოკართან" შეთანხმების შემდეგ გამოჩნდება, თუ როგორ დაასრულონ მოლაპარაკებები "გაზპრომთან"

როგორც კალაძემ ჟურნალისტებს განუცხადა, 29 თებერვალს აზერბაიჯანში გაემგზავრება, სადაც "სოკარის" წარმომადგენლებს შხვდება.

"კონკრეტიკა ჯერ არაფერი არ არის. ვფიქრობ, უახლოეს მომავალში, ალბათ, რამდენიმე დღეში, ცნობილი იქნება ყველაფერი. მე 29-ში მაქვს ვიზიტი აზერბაიჯანში, სადაც შევხვდები "სოკარის" ხელმძღვანელობას. ჩვენ აქტიურად ვმუშაობთ იმასთან დაკავშირებით, რომ მოვახერხოთ და შესაძლებელი იყოს "შაჰდენიზის" მილსადენში დამატებით მოცულობის წამოღება. ოპტიმისტურად ვართ განწყობილები და ვფიქრობთ, გარკვეულ შეთანხმებას მივაღწევთ და ამის შემდეგ გვექნება სურათი იმისა, თუ როგორ დავასრულოთ მოლაპარაკებები "გაზპრომთან", - განაცხადა კახა კალაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან