გარემოს დაცვისა და სოფლის მეურნეობის სამინისტროს მხარდაჭერით და სოფლის განვითარების სააგენტოს ორგანიზებით, ლატვიაში, ქალაქ რიგაში გამართულ საერთაშორისო გამოფენაზე RIGA FOOD 2024 შვიდი ქართული კომპანია მონაწილეობდა.

სოფლის განვითარების სააგენტოს დირექტორმა, დავით წითლიძემ და ლატვიის რესპუბლიკაში საქართველოს საგანგებო და სრულუფლებიანმა ელჩმა, ირაკლი ყურაშვილმა ქართულ სტენდზე   ლატვიის რესპუბლიკის სოფლის მეურნეობის მინისტრ არმანდს კრაუზეს უმასპინძლეს.

გამოფენაზე RIGA FOOD 2024 საკუთარი პროდუქცია წარმოდგენილი ჰქონდა სასოფლო-სამეურნეო პროდუქციის მწარმოებელ 7 კომპანიას: შპს აჩინებულს, შპს ჯეონატურალსს, შპს აქვაგეოს, შპს ძმებ ხუციშვილებს, კოოპერატივ რუისპირი-იყალთოს, შპს ვინაგორას, შპს კულას. წარმოდგენილი იყო ღვინო, ნატურალური წვენები, სხვადასხვა სახის კონსერვები. 

„ვაგრძელებთ ქართული პროდუქციის მხარდაჭერას სტრატეგიულ ბაზრებზე; განსაკუთრებით მნიშვნელოვანი, რა თქმა უნდა,  ევროკავშირის ბაზარია. ქალაქ რიგაში, სადაც ბალტიის ქვეყნების ყველაზე დიდი საერთაშორისო გამოფენა იმართება, სოფლის განვითარების სააგენტოს ორგანიზებით, ქართული სტენდზე ქართველი  მწარმოებლები არიან წარმოდგენილი. საერთაშორისო გამოფენებში მონაწილეობა ქართული კომპანიებს მნიშვნელოვანად უწყობს ხელს გაზარდონ საკუთარი საექსპორტო შესაძლებლობები“, - აღნიშნა სოფლის განვითარების სააგენტოს დირექტორმა, დავით წითლიძემ. 

ლატვიის რესპუბლიკაში საქართველოს  საგანგებო და სრულუფლებიანი ელჩის,  ირაკლი ყურაშვილის განცხადებით, საქართველოს მონაწილეობა საერთაშორისო გამოფენაზე RIGA FOOD 2024 განსაკუთრებით მნიშვნელოვანია, რადგან  ლატვიაში ქართული პროდუქციის მიმართ ინტერესი გაზრდილია, განსაკუთრებით მას შემდეგ, რაც საქართველო ევროკავშირის წევრობის კანდიდატი ქვეყანა გახდა.

ელჩის განცხადებით, ლატვიის ხელისუფლების წარმომადგენლების მიერ ქართული სტენდის მონახულება კიდევ ერთხელ ადასტურებს საქართველოს მიმართ ლატვიის ინტერესს. 

მიმდინარე წელს, RIGA FOOD 2024 გამოფენაში მონაწილეობას 30 ქვეყანა და სასოფლო-სამეურნეო სექტორში მოქმედი 400-ზე მეტი ადგილობრივი და საერთაშორისო კომპანიამ მიიღო.

ინფორმაციას გარემოს დაცვისა და სოფლის მეურნეობის სამინისტრო ავრცელებს.

ავტორი: NS (სტატია დაფინანსებულია),

სოციალური ქსელები

პაპუაშვილი - საელჩო არ უნდა აძლევდეს საკუთარ თავს უფლებას, ჩაერიოს ქვეყნის შიდა პოლიტიკურ დებატებში - ამას აკეთებს აშშ-ის საელჩო

ბანგლადეშში წყალდიდობის შედეგად ხუთი ადამიანი დაიღუპა

დედაქალაქში „თბილისობის“ დღეები აღინიშნება

ისრაელის ქალაქ ბეერშებას ცენტრალურ ავტოსადგურში ტერორისტული თავდასხმა მოხდა - არის მსხვერპლი