2024-09-03 15:57:23, 433 ნახვა

---

ნეთანიაჰუ ისრაელისთვის იარაღის მიწოდების ნაწილობრივ შეზღუდვაზე გაერთიანებული სამეფოს გადაწყვეტილებას სამარცხვინოს უწოდებს

ისრაელის პრემიერ-მინისტრი ბენიამინ ნეთანიაჰუ გაერთიანებული სამეფოს გადაწყვეტილებას -  ნაწილობრივ შეზღუდოს ისრაელისთვის იარაღის მიწოდება სამარცხვინოს უწოდებს. ამის შესახებ ინფორმაციას BBC ავრცელებს.

პრემიერ-მინისტრის თქმით, “ბრიტანეთის მცდარი გადაწყვეტილება “ჰამასს“ მხოლოდ გაათამამებს.

“ბრიტანული იარაღით ან მის გარეშე ისრაელი გაიმარჯვებს ამ ომში და უზრუნველყოფს საერთო მომავალს“,- წერს ნეთანიაჰუ სოციალურ ქსელ X-ზე.

მანამდე, ბრიტანეთის საგარეო საქმეთა მინისტრმა, დევიდ ლემიმ განაცხადა, რომ ისრაელისთვის იარაღის მიყიდვის ნებართვების ნაწილი შეჩერდებოდა.

ბრიტანეთის მთავრობამ ეს გადაწყვეტილება საექსპორტო ლიცენზიების შემოწმების შემდეგ მიიღო, რომელმაც გამოავლინა საფრთხე იმისა, რომ იარაღი, შესაძლოა, საერთაშორისო ნორმების დარღვევით გამოიყენონ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი