100 კგ-ზე მეტ წონით კატეგორიაში მოასპარეზე ქართველი ძიუდოისტი გურამ თუშიშვილი პარიზის ოლიმპიადის მეოთხედფინალში ტედი რინერთან შეხვედრის დროს მომხდარი ინციდენტის გამო ექვსთვიანი დისკვალიფიკაციით დაისაჯა.

თუშიშვილსა და ფრანგ ძიუდოისტ ტედი რინერს შორის ინციდენტი მოხდა, რის გამოც ქართველი მოჭიდავე დისკვალიფიცირებული იყო და რეპრიზში მონაწილეობა ვერ მიიღო. გარდა ამისა, არასპორტული ქცევის გამო გუნდურ შეჯიბრებებში მონაწილეობის უფლება არ მისცეს. თუშიშვილი პარიზის ოლიმპიური თამაშების ვერცხლის მედალოსანმა ილია სულამანიძემ (100 კგ-მდე) შეცვალა.

სადისციპლინო კომიტეტმა გადაწყვიტა, რომ 29 წლის თუშიშვილი საერთაშორისო ტურნირებზე 2025 წლის 25 თებერვლამდე ვერ მიიღებს მონაწილეობას.

თუშიშვილი 2020 წლის ოლიმპიური თამაშების ვერცხლის მედალოსანი, 2018 წლის მსოფლიო ჩემპიონი 100 კგ-ზე მეტ წონით კატეგორიაში და 2017 წლის ევროპის ჩემპიონია.

ავტორი: ექსპრესნიუსი,

სოციალური ქსელები

ჰუსიტებმა პირველად შეუტიეს საუდის არაბეთის დედაქალაქს

მოსკოვში „გაზპრომ ნეფტის“ ბენზინგასამართ სადგურებზე დრონით თავდასხმის შემდეგ, ბენზინი გაქრა

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო