რუსეთში, ბელგოროდში დღეიდან რეგიონულ დონეზე საგანგებო რეჟიმი ამოქმედდა. ამის შესახებ ბელგოროდის ოლქის გუბერნატორმა, ვიაჩესლავ გლადკოვმა სოციალურ ქსელში ვიდეომიმართვის დროს განაცხადა.

გლადკოვის თქმით, ბელგოროდის რეგიონში ვითარება კვლავ  უკიდურესად მძიმე და დაძაბულია.

"ბელგოროდის რეგიონში ვითარება კვლავ რჩება უკიდურესად მძიმე და დაძაბული, უკრაინის შეიარაღებული ძალების ყოველდღიური დაბომბვა, დანგრეული სახლები, დაშავებული და დაღუპული მშვიდობიანი მოქალაქეები. ამიტომ, დღეიდან ვიღებთ გადაწყვეტილებას ბელგოროდის რეგიონის მთელ ტერიტორიაზე, რათა დამატებით დავიცვათ მოსახლეობა, გამოცხადდეს საგანგებო მდგომარეობა რეგიონულ დონეზე" - განაცხადა გლადკოვმა.

ცნობისთვის, უკრაინის არმიის ოპერაცია რუსეთის კურსკის ოლქში 6 აგვისტოს დაიწყო. 10 აგვისტოს, რუსეთის ხელისუფლებამ შემოიღო „კონტრტერორისტული ოპერაციის“ რეჟიმი კურსკის, ბელგოროდისა და ბრიანსკის რეგიონებში.

ავტორი: ექსპრესნიუსი,

სოციალური ქსელები

კობახიძე ერდოღანს შეხვდა

საქართველოსა და ნაურუს შორის დიპლომატიური ურთიერთობების დამყარების შესახებ შეთანხმება გაფორმდა

პაპუაშვილი ვიზიტით ბრიუსელში გაემგზავრა

EPP გიორგი ბარამიძის გათავისუფლებას ითხოვს