ირანის ახლადარჩეულმა პრეზიდენტმა, მასუდ პეზეშქიანმა ქვეყნის სულიერ ლიდერს, აიათოლა ალი ხამენეის სთხოვა, ისრაელზე პირდაპირი თავდასხმა თავიდან აიცილონ. ამის შესახებ ინფორმაციას Iran International-ი, ანონიმურობის გარანტიით, საკითხთან დაკავშირებულ წყაროებზე დაყრდნობით ავრცელებს.

წყაროების ცნობით, პეზეშქიანმა 85 წლის სულიერ ლიდერს შეხვედრისას უთხრა, რომ "არასასურველ ომში დაძაბულობის ესკალაცია" თავიდან უნდა აირიდონ.

როგორც მედია წერს, პეზეშქიანი მიიჩნევს, რომ პოტენციურმა კონფლიქტმა, შესაძლოა, შეაფერხოს მისი პრეზიდენტობა, გამოიწვიოს მნიშვნელოვანი პრობლემები, მათ შორის დააზიანოს ირანის ეკონომიკა და ქვეყნის კოლაფსი გამოიწვიოს. 

წყაროები იტყობინებიან, რომ ხამენეის პრეზიდენტის განცხადებაზე არც მხარდაჭერა გამოუხატავს და არც შეშფოთება გამოუთქვამს.

შეგახსენებთ, ახლო აღმოსავლეთში მზარდი დაძაბულობაა მას შემდეგ, რაც 27 ივლისს, ისრაელის მიერ კონტროლირებად გოლანის მაღლობებზე, ქალაქ მაჯდალ-შამსზე სარაკეტო შეტევა განხორციელდა, რასაც სულ მცირე, 12 ადამიანის სიცოცხლე ემსხვერპლა. ისრაელმა თავდასხმაში ბრალი ლიბანში მოქმედ "ჰეზბოლას" დასდო და საპასუხო ზომებითაც დაიმუქრა. თავად დაჯგუფებამ იერიშთან რამე კავშირი უარყო.

30 ივლისს, ისრაელმა ლიბანის დედაქალაქ ბეირუთზე საჰაერო თავდასხმა განახორციელა, რასაც "ჰეზბოლას" მეთაური ფუად შუქრი ემსხვერპლა.

შუქრის დაღუპვიდან რამდენიმე საათში, ირანის დედაქალაქ თეირანში ტერორისტული დაჯგუფება "ჰამასის" პოლიტიკური ლიდერი ისმაილ ჰანიე მოკლეს, რის შემდეგაც ირანის სულიერმა ლიდერმა, აიათოლა ალი ხამენეიმ განაცხადა, რომ ირანი ისრაელზე "შურს იძიებდა".

ავტორი: ექსპრესნიუსი,

სოციალური ქსელები

Reuters - რუსეთი შორ მანძილზე მოიერიშე უპილოტო საფრენ აპარატებს ჩინური ძრავებით ამზადებს

„ქართული ოცნების“ საარჩევნო კამპანიის ფარგლებში, დღეს გასვლითი რეგიონული ღონისძიებები შიდა ქართლში გაგრძელდება

უკრაინის საჰაერო ძალები - რუსი ოკუპანტების მიერ გაშვებული 76 „შაჰიდიდან“ 72 ჩამოვაგდეთ

„ქართული ოცნების“ გორგასლის ოფისში, გივი მიქანაძის ბრიფინგი გაიმართება