ცენტრალური ისრაელის ქალაქ ჰოლონში გამვლელებზე დანით თავდასხმა განხორციელდა, რის შედეგადაც 2 ადამიანი დაიღუპა და 2 დაშავდა. ამის შესახებ ინფორმაციას The Times Of Israel-ი ავრცელებს. 

მედიის ცნობით, 34 წლის ამარ ოდე - დასავლეთ სანაპიროს ქალაქ სალფიტის მკვიდრი - ისრაელის მოქალაქეებს მოშე დაიანისა და დენ შომრონის ქუჩებზე, 3 სხვადასხვა ადგილას დაესხა თავს.

როგორც პოლიცია იტყობინება, პალესტინელს შემთხვევის ადგილზე მისულმა ოფიცერმა ესროლა. 

საავადმყოფოს ოფიციალურმა პირებმა განაცხადეს, რომ ის კრიტიკულ მდგომარეობაში შამირის სამედიცინო ცენტრში გადაიყვანეს, სადაც მისი გარდაცვალება ცოტა ხნის შემდეგ გამოცხადდა.

რაც შეეხება დაღუპულებსა და დაშავებულებს, The Jerusalem Post-ის ცნობით, ერთ-ერთი მოკლული ჰოლონის მცხოვრები 66 წლის ქალი - რინა დანივია, რომელიც შემთხვევის ადგილზე დაიღუპა.

"მეორე მოკლული 80 წლამდე მამაკაცია. მძიმედ დაშავებულია დანივის ქმარი, 69 წლის შიმონი. გარდა ამისა, თავდასხმის დროს 26 წლის მამაკაციც დაიჭრა, რომლის მდგომარეობაც საშუალო სიმძიმისაა", - წერს The Jerusalem Post-ი.

პოლიციის ინფორმაციით, ამარ ოდეს ისრაელში შესვლის ნებართვა არ ჰქონია.

პოლიციამ ასევე დასძინა, რომ თავდასხმაში შესაძლო დამატებითი ეჭვმიტანილების გამოსავლენად ტერიტორიის შემოწმება მიმდინარეობს.

ავტორი: ექსპრესნიუსი,

სოციალური ქსელები

მაკრონმა აღიარა, რომ მომავალში საფრანგეთის პრეზიდენტად დაბრუნებას გეგმავს

უკრაინამ დონბასში რუსული არმიის წინააღმდეგ საბრძოლო რობოტები პირველად გამოიყენა

კობახიძე – მაინც ყოველდღიურად იკრიბებიან ხან 20, ხან 50, ხან 150 კაცით, სექტის სახე ნამდვილად შეიძინა ამ დაჯგუფებამ

ივანიშვილის პაპუაშვილი ოპოზიციურად განწყობილ ხალხს სექტას უწოდებს