“საქართველოს ბანკი“ აგრძელებს მცირე და საშუალო ბიზნესის მხარდაჭერას. ამ მიზნით, ფინანსური ინსტიტუტი 7 აგვისტოს, 19:00 საათზე, საზაფხულო ვორკშოპების სერიის მორიგ შეხვედრას გამართავს და ბიზნესის წარმომადგენლებს “საქართველოს ბანკის“ Ads მენეჯერის დახმარებით ახალი მომხმარებლების მოზიდვის სტრატეგიას გააცნობს.

Ads მენეჯერი “საქართველოს ბანკის“ შეთავაზებების პლატფორმაა, რომელსაც რეგიონში ანალოგი არ აქვს. მისი საშუალებით ბიზნესს შეუძლია ფასდაკლების, ქეშბექის ან ქულების შეთავაზებების შექმნა და წარდგენა “საქართველოს ბანკის“ იმ არხებში, რომლებსაც 1 500 000-მდე მომხმარებელი იყენებს. ესენია “საქართველოს ბანკის“ მობილბანკი, sCoolApp და Offers.bog.ge.

აღნიშნული შეხვედრა ონლაინ, Zoom-ის პლატფორმის საშუალებით გაიმართება და მას “საქართველოს ბანკის“ ციფრული პროდუქტების Owner-ი, თორნიკე სამადაშვილი გაუძღვება.

“საქართველოს ბანკისთვის მცირე და საშუალო ბიზნესის მხარდაჭერა ერთ-ერთი უმთავრესი და უცვლელი პრიორიტეტია. ჩვენ მოხარული ვართ, რომ გვაქვს შესაძლებლობა, შევხვდეთ ბიზნესის წარმომადგენლებს და წარვუდგინოთ ის ინოვაციური პროდუქტები, რომლებიც მათ ახალი მომხმარებლების მოზიდვაში, გაყიდვების გაზრდაში, და ზოგადად, ცნობადობის ამაღლებაში დაეხმარება. Ads მენეჯერი გამორჩეული პლატფორმაა როგორც ქვეყნის, ისე რეგიონის მასშტაბით, რადგან იგი ბიზნესს მიზანზე ორიენტირებული კამპანიების გაშვებაში ეხმარება და შესაძლებლობას აძლევს, სწორ აუდიტორიას წარუდგინოს საკუთარი წინადადება. აღსანიშნავია, რომ Ads მენეჯერი უკვე ერთი წელია, რაც გაეშვა და იგი მუდმივ რეჟიმში ვითარდება. ამ დროის განმავლობაში მიღებული შეფასებები კი გვაძლევს მოტივაციას, არ გავჩერდეთ და კიდევ უფრო ფართო საზოგადოებას გავაცნოთ პლატფორმის შესაძლებლობები“,- განაცხადა თორნიკე სამადაშვილმა.

ინფორმაციისთვის, ვებინარზე დასასწრებად საჭიროა წინასწარი რეგისტრაცია “საქართველოს ბანკის“ ვებგვერდიდან. რეგისტრაციის შემდეგ, დასწრების მსურველები შეხვედის ბმულს მითითებული ელ-ფოსტაზე მიიღებენ.

გაიგეთ მეტი Ads მენეჯერის შესაძლებლობებზე ამ ბმულიდან, ხოლო თუ ჯერ არ ხართ “საქართველოს ბანკის“ მომხმარებელი, გახსენით ბიზნეს ანგარიში მარტივად ონლაინ.

ავტორი: R (რეკლამა),

სოციალური ქსელები

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს