საქართველოს თავდაცვის სამინისტროში ქართული სალიტერატურო ენის ნორმების შესაბამისი სამხედრო-ტექნიკური ელექტრონული ლექსიკონის შემაჯამებელი პრეზენტაცია გაიმართა. 

თავდაცვის სამინისტროს საინფორმაციო ტექნოლოგიების დეპარტამენტმა უწყების ხელმძღვანელობას ელექტრონული ლექსიკონის პროექტის შემდგომი განვითარების ხედვა  წარუდგინა.

შეხვედრაზე საქართველოს შეიარაღებული ძალების გენერალური შტაბის, ივანე ჯავახიშვილის სახელობის თბილისის სახელმწიფო უნივერსიტეტისა და არნოლდ ჩიქობავას სახელობის ენათმეცნიერების ინსტიტუტის წარმომადგენლებმა სამხედრო ლექსიკონის შექმნის მნიშვნელობაზე იმსჯელეს. „სასაქონლო მარაგების სამხედრო-ტექნიკურ ტერმინთა ლექსიკონის“ წარდგენისას ყურადღება შესრულებულ სამუშაოსა და ამ პროცესში წარმოჩენილ პრობლემებზე გამახვილდა.

შემაჯამებელ პრეზენტაციას საქართველოს თავდაცვის მინისტრის მოადგილეები, ლევან ღირსიაშვილი და კახა ოქროჯანაშვილი, ასევე მინისტრის მრჩეველი გიორგი ბეროშვილი დაესწრნენ.

ცნობისთვის, სამხედრო-ტექნიკური ლექსიკონი თავდაცვის უწყებასა და მის დაქვემდებარებულ სტრუქტურებში სასაქონლო მარაგების მოძრაობის თანამედროვე სტანდარტებზე გადაყვანას უზრუნველყოფს და შიდა სასაწყობე ოპერაციების სწორად ფორმირებას ხელს შეუწყობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს