დედაქალაქის მერიაში მთავრობის სხდომაზე, დღის წესრიგით გათვალისწინებული საკითხების განხილვამდე, თბილისის მერმა დავით ნარმანიამ ყურადღება რამდენიმე საკითხზე, მათ შორის, განაშენიანების რეგულირების წესებში დაგეგმილ ცვლილებებზე გაამახვილა.

რეგულირების წესების ახალი რედაქცია, რომელიც ამ ეტაპზე, დამუშავების პროცესშია, უახლოეს მომავალში საკრებულოს წარედგინება.

ერთ-ერთი მთავარი ცვლილება კ2 კოეფიციენტის მომატებასთან დაკავშირებით დროებით შეზღუდვებს შეეხება, კერძოდ, ქალაქის ქაოტური განაშენიანების თავიდან აცილების მიზნით, დედაქალაქის მიწათსარგებლობის გენერალურ გეგმაზე მუშაობის დასრულებამდე, კოეფიციენტების მატებასთან დაკავშირებით დროებითი შეზღუდვა დაწესდება და კ2 კოეფიციენტის მომატება, საკრებულოს მიერ დამტკიცების შემდეგ, მხოლოდ ერთჯერადად იქნება შესაძლებელი.

ამასთან, კოეფიციენტის მატებაზე გამონაკლისის დაშვების დასაბუთების წესიც გამკაცრდება, რაც კ2 კოეფიციენტის მომატებაზე ნებართვების გაცემის ინტენსივობას შეამცირებს და დედაქალაქის მთავრობას თბილისში ქაოტური მშენებლობების დარეგულირების შესაძლებლობას მისცემს. მიწის ნაკვეთის გამწვანების მინიმალური კოეფიციენტიც გაიზრდება და კ3 10%-ის ნაცვლად, 20%-ით განისაზღვრება - აღნიშნული ხელს შეუწყობს ქალაქში კიდევ უფრო მეტი მწვანე სივრცის გაჩენას.

რაც შეეხება კიდევ ერთ თემას, რაზეც ქალაქის მერმა ყურადღება გაამახვილა, გზების ორმოული შეკეთება იყო.

„ამინდების გაუმჯობესებასთან ერთად დედაქალაქში გზების ორმოული შეკეთება აქტიურ ფაზაში შედის. დღეის მდგომარეობით, დაახლოებით, 50-მდე ქუჩაზე ორმოული შეკეთებები დასრულებულია. ამასთან, ამ ეტაპზე კიდევ 15-მდე ქუჩის ორმოული შეკეთება მიმდინარეობს და უახლოეს დღეებში სამუშაოები დამატებით 25 ობიექტზე დაიწყება“, - განაცხადა თბილისის მერმა დავით ნარმანიამ.

რაც შეეხება საგზაო საფარის კაპიტალურ შეკეთებას, ამ დროისათვის სატენდერო პროცედურები ორ 4 მილიონიან ტენდერზე მიმდინარეობს, რომელთა ფარგლებშიც, მდ. მტკვრის ორივე სანაპიროზე არსებული დაზიანებული გზები კაპიტალურად შეკეთდება. ასევე, ერთ კვირაში, თბილისის მასშტაბით, 6 მილიონიანი ხელშეკრულების ფარგლებში საგზაო ინფრასტრუქტურის აღდგენითი სამუშაოები დაიწყება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ სანქციებს უწესებს რვა კანადურ გაცვლით კომპანიას ირანთან კავშირების გამო

კრემლმა აბუ-დაბიში უკრაინის საკითხზე სამმხრივი მოლაპარაკებებისთვის რუსეთის დელეგაციის შემადგენლობა გამოაცხადა

ზელენსკი აშშ-ის არჩევნებში გამარჯვებული დემოკრატებისგან უკრაინისადმი მხარდაჭერის გაზრდას იმედოვნებს

დიდმა ბრიტანეთმა ორბიტაზე ახალი სამხედრო თანამგზავრი გაუშვა