საქართველოს ნაკრების თავდამსხმელი გიორგი (ჟორჟ) მიქაუტაძე მონაკოს კლუბში ითამაშებს. იტალიელი სპორტული ჟურნალისტი ფაბრიციო რომანო სოციალურ ქსელში წერს, რომ მიქაუტაძესა და კლუბს შორის კონტრაქტი ოფიციალურად დღეს, 13 ივლისს გაფორმდება.

ჟურნალისტის ინფორმაციით, ქართველ ფეხბურთელსა და მონაკოს შორის სიტყვიერი შეთანხმება გასულ კვირას გაფორმდა.

„მიქუტაძე შაბათს გაფრინდება მონაკოში, რათა სამედიცინო შემოწმება გაიაროს და კონტრაქტი გააფორმოს. პაკეტი ეღირება 20 მილიონი ევრო პლუს მეტსის დანამატები“, - წერს ფაბრიციო რომანო.

შეგახსენებთ, რომ ჟორჟ მიქაუტაძე ცოტა ხნის წინ FC Metz-მა ამსტერდამის აიაქსიდან იყიდა. გასულ აგვისტოში ქართველი ფეხბურთელი ჰოლანდიის ჩემპიონატში გადავიდა, თუმცა ფეხი ვერ მოიკიდა და იანვარში იჯარით საფრანგეთში დაბრუნდა.

გიორგი მიქაუტაძე ევრო 2024-ის ერთ-ერთი საუკეთესო ბომბარდირია. კონტინენტის ჩემპიონატზე მან სამი გოლი გაიტანა და ერთი საგოლე გადაცემა გააკეთა, წერს SOVA.

რაც შეეხება მონაკოს, ამ გუნდმა გასულ წელს საფრანგეთის ჩემპიონატში მეორე ადგილი დაიკავა და მომავალ სეზონში ჩემპიონთა ლიგაზე ითამაშებს.

ავტორი: ექსპრესნიუსი,

სოციალური ქსელები

საქართველოს მხარეზე მებრძოლი UNA-UNSO-ს დამფუძნებელი, მიკოლა კარპიუკი ოკუპანტებთან ბრძოლაში დაიძღუპა

არჩევნები ბერლინი და მეკლენბურგ-წინა პომერანიაში: AfD ლიდერობს, თუმცა მთავრობას ვერსად ჩამოაყალიბებს

ჰუსიტებმა პირველად შეუტიეს საუდის არაბეთის დედაქალაქს

მოსკოვში „გაზპრომ ნეფტის“ ბენზინგასამართ სადგურებზე დრონით თავდასხმის შემდეგ, ბენზინი გაქრა