საქართველოს ნაკრების მეკარე გიორგი მამარდაშვილი ევროპის ჩემპიონატზე ჩეხეთის ნაკრებთან 22 ივნისს გამართულ მატჩს გამოეხმაურა და დაწერა, რომ „ეს მხოლოდ დასაწყისია“.

„პირველი ისტორიული ქულა ევროპის ჩემპიონატზე. ეს ჩვენი გუნდისა და ჩვენი ქვეყნისთვის მნიშვნელოვანი მიღწევაა და ჩემთვის დიდი პატივია ვიყო ამ ისტორიული მომენტის ნაწილი, როგორც მატჩის MVP (ყველაზე ღირებული მოთამაშე). მადლობა გულშემატკივრებს მხარდაჭერისთვის სტადიონზე და მის ფარგლებს გარეთ! Ეს მხოლოდ დასაწყისია. ყველაფერი ერთად შეგვიძლია“, – წერს მამარდაშვილი სოციალურ ქსელში.

აღსანიშნავია, რომ მატჩის საუკეთესო მოთამაშედ გიორგი მამარდაშვილი აღიარეს, პორტალმა Sofascore-მა კი საქართველოს ნაკრების მეკარე ევროპის ჩემპიონატის მეორე ტურის სიმბოლურ ნაკრებში წარადგინა. Sofascore-ის ინფორმაციით, მამარდაშვილმა 10-ქულიანი სისტემით 9.8 ქულა დააგროვა. ეს საუკეთესო მაჩვენებელია ყველა ფეხბურთელს შორის.

შეგახსენებთ, რომ 22 ივნისს ევროპის ჩემპიონატზე საქართველოსა და ჩეხეთის ნაკრებების მატჩი ფრედ - 1:1 დასრულდა. შედეგად, საქართველოს ნაკრებმა ჩემპიონატზე პირველი ქულა მოიპოვა.

26 ივნისს საქართველოს ნაკრები გელზენკირხენში პორტუგალიის ნაკრებთან ერთად ითამაშებს. ევროპის ჩემპიონატზე პირველი მატჩი თურქეთის ნაკრებთან 18 ივნისს გაიმართა - საქართველოს ნაკრები მტერთან 3:1 დამარცხდა.

ავტორი: ექსპრესნიუსი,

სოციალური ქსელები

საქართველოს მხარეზე მებრძოლი UNA-UNSO-ს დამფუძნებელი, მიკოლა კარპიუკი ოკუპანტებთან ბრძოლაში დაიძღუპა

არჩევნები ბერლინი და მეკლენბურგ-წინა პომერანიაში: AfD ლიდერობს, თუმცა მთავრობას ვერსად ჩამოაყალიბებს

ჰუსიტებმა პირველად შეუტიეს საუდის არაბეთის დედაქალაქს

მოსკოვში „გაზპრომ ნეფტის“ ბენზინგასამართ სადგურებზე დრონით თავდასხმის შემდეგ, ბენზინი გაქრა