ლიბანური დაჯგუფება „ჰეზბოლას“ ლიდერი ჰასან ნასრალა კვიპროსს დაემუქრა. ამის შესახებ ინფორმაციას CNN ავრცელებს.

ნასრალას განცხადებით, ისრაელსა და ლიბანს შორის ომი თუ გაჩაღდება და კვიპროსი აეროპორტებსა და ბაზებს შესთავაზებს ისრაელის ძალებს, მაშინ „ის ამ ომის ნაწილი გახდება“.

„მტერმა იცის, რომ არ არსებობს თავის ქვეყანაში უსაფრთხო ადგილი, სადაც ჩვენი რაკეტებისგან დაცული იქნებიან, ყველაფერი გამიზნულად იქნება სამიზნეში ამოღებული“, - განაცხადა ნასრალამ თავის გამოსვლაში, სადაც მან ისრაელი გააფრთხილა.

როგორც მედია წერს, ნასრალას მუქარის საპასუხოდ, კვიპროსის პრეზიდენტმა, ნიკოს ქრისტოდულიდესმა თქვა, რომ კუნძული „არანაირად არ არის ჩართული კონფლიქტებში“.

„კვიპროსის რესპუბლიკა პრობლემის ნაწილი არ არის. ის გამოსავლის ნაწილია. ჩვენი როლია ჰუმანიტარული დერეფნის მოწყობა, რომელიც აღიარებულია არა მხოლოდ არაბული სამყაროს, არამედ საერთაშორისო საზოგადოების მიერაც“, - განაცხადა კვიპროსის პრეზიდენტმა.

ავტორი: ექსპრესნიუსი,

სოციალური ქსელები

მაკრონმა აღიარა, რომ მომავალში საფრანგეთის პრეზიდენტად დაბრუნებას გეგმავს

უკრაინამ დონბასში რუსული არმიის წინააღმდეგ საბრძოლო რობოტები პირველად გამოიყენა

კობახიძე – მაინც ყოველდღიურად იკრიბებიან ხან 20, ხან 50, ხან 150 კაცით, სექტის სახე ნამდვილად შეიძინა ამ დაჯგუფებამ

ივანიშვილის პაპუაშვილი ოპოზიციურად განწყობილ ხალხს სექტას უწოდებს