2015-01-07 12:01:24, 3899 ნახვა
საზოგადოება
სამტრედიაში დაკარგული 19 წლის ახალგაზრდა სახლში ნაცემი დაბრუნდა
სამტრედიაში დაკარგული 19 წლის გიორგი ადეიშვილი სახლში დაბრუნდა.
ადეიშვილის დედა „ქრონიკასთან“ საუბარში აცხადებს, რომ მის შვილს სამართალდამცავები ფიზიკურად გაუსწორდნენ და მას სოფელ ილორში მიაკვლიეს.
როგორც ოჯახის წევრები ამბობენ, გიორგი ადეიშვილი სახლში ბრუნდებოდა, რა დროსაც მას სამართალდამცველები დახვდნენ და პოლიციაში შემოწმებაზე წაყვანა მოსთხოვეს.
„ვერაფერს ამბობს, შეშინებულია. წერს, რომ ნაცემია და ეს ტრამვა მილიციამ მიაყენა. ის, რომ სამართალდამცველებმა დაიჭირეს, ამის თვითმხილველებიც არსებობენ“, – აცხადებს ადეიშვილის დედა თეა თელია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
