თურქეთმა ისრაელთან ყველანაირი ვაჭრობა შეაჩერა. ამის შესახებ ინფორმაციას Reuters-ი ავრცელებს.

მედია თურქეთის ვაჭრობის სამინისტროზე დაყრდნობით აღნიშნავს, რომ გადაწყვეტილების მიზეზად ღაზაში გაუარესებული „ჰუმანიტარული ტრაგედია“ სახელდება.

„ისრაელთან დაკავშირებული ექსპორტისა და იმპორტის ტრანზაქციები, რომელიც ყველა პროდუქტს მოიცავს, შეჩერებულია.

თურქეთი მკაცრად და მტკიცედ  განახორციელებს ამ ახალ ზომებს, სანამ ისრაელის მთავრობა ღაზაში ჰუმანიტარული დახმარების უწყვეტ და საკმარის ნაკადს არ დაუშვებს“, - წერს მედია უწყების განცხადებაზე დაყრდნობით.

შეგახსენებთ, გასულ თვეში თურქეთმა ისრაელში გარკვეული პროდუქციის ექსპორტი შეზღუდა.  როგორც ქვეყნის ვაჭრობის სამინისტროს მიერ გავრცელებულ განცხადებაში იყო აღნიშნული, შეზღუდვა იმოქმედებდა მანამ, სანამ ისრაელი "არ შეწყვეტდა ცეცხლს და არ დაუშვებდა ჰუმანიტარული დახმარების შეუფერხებლად მიწოდებას ღაზას სექტორისთვის".

ავტორი: ექსპრესნიუსი,

სოციალური ქსელები

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს