რუსთაველის გამზირი და მიმდებარე ტერიტორია მოქალაქეებით გაივსო -ფოტო

2024-04-17 19:44:59, 326 ნახვა

მრავალათასიანი საპროტესტო აქცია რუსთაველის გამზირზე დაიწყო, ბაიკერები და სტუდენტები მსვლელობით რესპუბლიკის მოედნიდან პარლამენტთან მოდიან.

ამჟამად რუსთაველის მიმდებარე ტერიტორია გავსებულია, როგორც "ექსპრესნიუსის" კორესპონდენტი იუწყება, ხალხი სასტუმრო "თბილის მერიოტიდან: დგას, ხოლო თავისუფლების მოედნისკენ მეტრო თავისუფლებას აღწევს.

დედაქალაქის მთავარ გამზირზე კი ფართომასშტაბიანი აქციისთვის ემზადებიან - "პუტინის მონებო", "არა რუსულ კანონს" - სკანდირებენ ადგილზე შეკრებილები.

„უცხოური გავლენის გამჭვირვალობის შესახებ“ კანონპროექტის გასაპროტესტებლად მოქალაქეები პარლამენტთან დღეს, 12:00 საათიდან შეიკრიბნენ.

კანონპროექტს მოქალაქეები მესამე დღეა აპროტესტებენ.

ავტორი: გიორგი ბაზაევი, ექსპრესნიუსის რეპორტიორი 2010 წლიდან