თურქეთმა ისრაელში გარკვეული პროდუქციის ექსპორტი შეზღუდა. როგორც ქვეყნის ვაჭრობის სამინისტროს მიერ გავრცელებულ განცხადებაშია აღნიშნული, შეზღუდვა იმოქმედებს მანამ, სანამ ისრაელი "არ შეწყვეტს ცეცხლს და არ დაუშვებს ჰუმანიტარული დახმარების შეუფერხებლად მიწოდებას ღაზას სექტორისთვის".

უწყების ცნობით, ისრაელში პროდუქციის ექსპორტი დღეიდან, 9 აპრილიდან შეიზღუდება, შეზღუდვა კი ალუმინის და ფოლადის ნაწარმის რამდენიმე სახეობას, საღებავებს, ელექტროკაბელებს, სამშენებლო მასალებს, საწვავსა და სხვა მასალებს შეეხება.

"ისრაელი აგრძელებს საერთაშორისო სამართლის უხეშ დარღვევას და უგულებელყოფს საერთაშორისო საზოგადოების მრავალრიცხოვან მოწოდებებს ცეცხლის შეწყვეტისა და უწყვეტი ჰუმანიტარული დახმარების შესახებ.

ღაზას სექტორში შექმნილი მძიმე სიტუაციის ფარგლებში, ჩვენ მოვუწოდებთ, საერთაშორისო თანამეგობრობის ყველა წევრს, წვლილი შეიტანოს ისრაელის მიერ საერთაშორისო კანონმდებლობიდან გამომდინარე ვალდებულებების შესრულებაში”,- ნათქვამია უწყების განცხადებაში.

ავტორი: ექსპრესნიუსი,

სოციალური ქსელები

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს