2024-03-26 15:33:49, 852 ნახვა
მსოფლიო
ზარქუა - სადაც გვაქვს წარმომადგენლობა, ყველგან იქნება გახსნილი საარჩევნო ყუთები - ბოდიში, თუ ვიღაცას „პადიეზდთან“ ვერ დავუდგით
სადაც გვაქვს წარმომადგენლობა და საელჩო, ყველგან იქნება გახსნილი საარჩევნო ყუთები, - ამის შესახებ "ქართული ოცნების" დეპუტატმა, ირაკლი ზარქუამ არჩევნებში ემიგრანტების მონაწილეობაზე საუბრისას განაცხადა.
ზარქუას თქმით, არჩევნები ჩატარდება ისე, როგორც ევროპული სახელმწიფოები ატარებენ თავისი მიგრანტებისთვის.
"სადაც გვაქვს წარმომადგენლობა და საელჩო, ყველგან იქნება გახსნილი საარჩევნო ყუთები. ბოდიში, თუ ვიღაცას "პადიეზდთან" ან სამსახურთან ვერ დავუდგით ყუთები. არ არის ამის არც ვალდებულება და არც აუცილებლობა. როგორც სხვა ქვეყნები ატარებენ, ევროპული სახელმწიფოები ატარებენ თავისი მიგრანტებისთვის, ზუსტად ისე გავაკეთებთ ჩვენ", - განაცხადა ზარქუამ.
ავტორი: ექსპრესნიუსი,
epn.ge (@expressnews.ge)
