ომი ევროპაში გარდაუვალი არ არის, ევროპელებისთვის საუბარი არ არის დონბასისთვის სიკვდილზე, საუბარია უკრაინის დახმარებაზე, რომ უკრაინელები არ დაიხოცონ დონბასში, - ამის შესახებ საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, ჯოზეფ ბორელმა ევროკავშირის სამიტზე განაცხადა.

როგორც ბორელი აღნიშნავს, რუსეთის შეჭრის შემდეგ, ბოლო 2 წელიწადში ევროკავშირის მხრიდან უკრაინის დახმარება 31 მილიარდ ევროს აღწევს.

„ევროპელების მიმართ მოწოდება სიფხიზლისკენ იმ გამოწვევებზე, რომლებიც ჩვენ წინაშე დგას, სწორია, მაგრამ არ უნდა იყოს გაზვიადებული: ომი გარდაუვალი არ არის. მესმის განცხადებები ომის გარდაუვალობაზე. ჩვენ ვცხოვრობთ მშვიდობიანად, მხარს ვუჭერთ უკრაინას და არ ვართ ამ ომის ნაწილი, მაგრამ ჩვენ უნდა მოვემზადოთ მომავლისთვის, გავზარდოთ ჩვენი თავდაცვითი შესაძლებლობები. არ არის საჭირო ხალხის შეშინება იმით, რომ ომი გარდაუვალია. უკრაინის მხარდაჭერის აუცილებლობა არის გარდაუვალი. ეს არ არის დონბასისთვის სიკვდილი, ეს არის უკრაინელების დახმარება, რომ ისინი არ დაიხოცონ დონბასში“, - განაცხადა ჯოზეფ ბორელმა.

ავტორი: ექსპრესნიუსი,

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება