2024-03-21 09:36:16, 1533 ნახვა
ომი უკრაინაში
სალივანი - დარწმუნებული ვარ, უკრაინის დახმარების პაკეტზე ძლიერ ორპარტიულ მხარდაჭერას მივიღებთ
ეროვნული უსაფრთხოების საკითხებში ამერიკის შეერთებული შტატების პრეზიდენტის მრჩეველმა, ჯეიკ სალივანმა განაცხადა, რომ აშშ-ის დახმარების ძირითადი პაკეტი, რომელიც "რესპუბლიკელებმა" თვეების განმავლობაში დაბლოკეს, "უკრაინაში მოხვდება".
როგორც კიევში ვიზიტით მყოფმა სალივანმა უკრაინის პრეზიდენტის ადმინისტრაციის უფროსთან, ანდრი ერმაკთან ერთად გამართულ პრესკონფერენციაზე აღნიშნა, ვაშინგტონის მხარდაჭერა გაგრძელდება.
"დარწმუნებული ვარ, ჩვენ პალატაში ძლიერ ორპარტიულ მხარდაჭერას მივიღებთ უკრაინის დახმარების პაკეტზე",- განაცხადა სალივანმა, თუმცა დახმარების კიევისთვის მიწოდების ზუსტი დრო არ დაუსახელებია.
ავტორი: ექსპრესნიუსი,
epn.ge (@expressnews.ge)
