2024-03-08 16:00:27, 1431 ნახვა
ომი უკრაინაში
პისტორიუსი - შორ მანძილზე მოქმედი რაკეტები უკრაინაში ომს ვერ მოაგვარებს
ჩვენ ყოველთვის ხაზს ვუსვამთ იმას, რომ შორ მანძილზე მოქმედი რაკეტები ომს ვერ მოაგვარებს,- ამის შესახებ გერმანიის თავდაცვის მინისტრმა, ბორის პისტორიუსმა უკრაინისთვის "ტაურუსის" ტიპის რაკეტების გადაცემის საკითხზე საუბრისას, ფინეთში ვიზიტის დროს განაცხადა.
როგორც პისტორიუსმა პრესკონფერენციაზე აღნიშნა, "გერმანიას არ სურს, იყოს ომის მხარე და ეს არის მიზეზი იმისა, რომ "ტაურუსები" უკრაინაში ჯერ არ გაგზავნილა".
პისტორიუსმა ასევე აღნიშნა, რომ სახმელეთო ძალების უკრაინაში გაგზავნის შესახებ დისკუსია უნდა შეწყდეს, რადგან "ეს არავის სურს".
თავდაცვის მინისტრის თქმით, გერმანია უკრაინის ერთ-ერთი დიდი მხარდამჭერი და იარაღის სიდიდით მეორე მიმწოდებელია ამერიკის შეერთებული შტატების შემდეგ.
ავტორი: ექსპრესნიუსი,
epn.ge (@expressnews.ge)
