2024-02-16 16:27:44, 862 ნახვა
მსოფლიო
რინკევიჩი - ალექსეი ნავალნი კრემლმა მოკლა, ეს ფაქტია
ალექსეი ნავალნი კრემლმა მოკლა, ეს ფაქტია, - ამის შესახებ ლატვიის პრეზიდენტი ედგარს რინკევიჩი X-ზე (ყოფილ Twitter-ზე) წერს.
ედგარს რინკევიჩმა ნავალნის ოჯახსა და მეგობრებს სამძიმარი გამოუცხადა.
„რასაც არ უნდა ფიქრობდეთ ალექსეი ნავალნიზე, როგორც პოლიტიკოსზე, ის სასტიკად მოკლა კრემლმა. ეს ფაქტია და ეს არის ის, რაც უნდა ვიცოდეთ რუსეთის ამჟამინდელი რეჟიმის ნამდვილი ბუნების შესახებ. ჩემი სამძიმარი მის ოჯახსა და მეგობრებს“, - წერს რინკევიჩი.
შეგახსენებთ, რომ ცოტა ხნის წინ რუსეთის სასჯელაღსრულების ფედერალურმა სამსახურმა რუსი ოპოზიციონერის, ალექსეი ნავალნის გარდაცვალების შესახებ ინფორმაცია გაავრცელა.
ავტორი: ექსპრესნიუსი,
epn.ge (@expressnews.ge)
