2024-02-03 14:43:36, 1195 ნახვა
მსოფლიო
ერაყის პრემიერის პრესმდივანი - აშშ-ის იერიშებს კატასტროფული შედეგები მოჰყვება
აშშ-ის იერიშებს კატასტროფული შედეგები მოჰყვება, - ამის შესახებ ერაყის პრემიერ-მინისტრის პრესმდივანმა, იეჰია რასულმა განაცხადა.
მისივე თქმით, აშშ-ის მიერ განხორციელებული დარტყმები ერაყის სუვერენიტეტის დარღვევას წარმოადგენს.
„აშშ-ის მიერ განხორციელებული დარტყმები ერაყის სუვერენიტეტის დარღვევას წარმოადგენს. ამას მოჰყვება კატასტროფული შედეგები როგორც ერაყის, ასევე მთელი რეგიონის უსაფრთხოებისა და სტაბილურობისთვის“, - განაცხადა რასულმა.
ცნობისთვის, აშშ-ის ეროვნული უშიშროების საბჭოს სტრატეგიული კომუნიკაციების კოორდინატორის, ჯონ კირბის განცხადებით, აშშ-მა ირანთან დაკავშირებულ 7 ობიექტზე მიიტანა იერიში - სამი მათგანი ერაყში მდებარეობს, ოთხი კი სირიაში
ავტორი: ექსპრესნიუსი,
epn.ge (@expressnews.ge)
