2024-01-24 18:52:06, 857 ნახვა
მსოფლიო
ირანის საგარეო მინისტრი - აშშ-ის მიერ ისრაელისთვის გაწეული მხარდაჭერა ხელს უშლის ღაზის სექტორში გენოციდის შეჩერებას
ისრაელისთვის გაწეული აშშ-ის მხარდაჭერა ხელს უშლის ღაზის სექტორში გენოციდის შეჩერებას, - ამის შესახებ ირანის საგარეო საქმეთა მინისტრმა, ჰოსეინ ამირაბდოლაჰიანმა გაეროს უსაფრთხოების საბჭოს სხდომაზე სიტყვით გამოსვლისას განაცხადა.
მისივე თქმით, სხვებისთვის თავშეკავებისკენ მოწოდების ნაცვლად, აშშ-მა უნდა აიძულოს ისრაელის რეჟიმი, შეწყვიტოს ომი.
„ომი არ არის გამოსავალი, უსაფრთხოება ვერ მიიღწევა ძალის გამოყენებით და ღაზაში გენოციდის ჩადენით. ღაზასა და დასავლეთ ნაპირზე მშვიდობიანი მოსახლეობის მკვლელობა არ შეიძლება გაგრძელდეს სიონისტური რეჟიმის მიერ ე.წ. „ჰამასის სრულ განადგურებამდე“, რადგან ეს დრო არასოდეს მოვა, რადგან პალესტინელი ერის ნება არ შესუსტებულა ბოლო 80 წლის განმავლობაში“, - განაცხადა ირანის საგარეო საქმეთა მინისტრმა.
ავტორი: ექსპრესნიუსი,
epn.ge (@expressnews.ge)
